Mar 19, 2013

ചൈനക്കാര്‍ക്കെന്താ ഈ ബ്ലോഗില്‍ കാര്യം..?

 തോന്നക്കല്‍ പഞ്ചായത്തിലെ ഓരോ അരിമണിയും പെറുക്കിയെടുക്കാന്‍ പോലീസുകാര് കേറാൻ  കാരണം ഇന്നച്ചൻ അങ്കിളിന്  നാക്ക് പിഴച്ചതാണെന്നു വെക്കാം പക്ഷേ എന്റെ ഈ ചിപ്പിയില്‍ കഴിഞ്ഞ രണ്ടു മാസമായി നമ്മുടെ ചൈനക്കാരിങ്ങനെ കയറിയിറങ്ങുന്നത് എന്തിനായിരിക്കും എന്നത് തലേംകുത്തിനിന്ന് ആലോചിച്ചിട്ടുപോലും എനിക്ക് ഒരു പിടിയും കിട്ടുന്നില്ല. 


 

 ഞാന്‍ ഇവിടെ അവസാനം പോസ്റ്റിട്ടത് കഴിഞ്ഞ ഡിസംബര്‍ ഇരുപത്തിയേഴിനായിരുന്നു ,അതാണെങ്കില്‍ എന്റെ ഈ ബ്ലോഗിലെ ഒരു പ്രാധാന്യവും ഇല്ലാത്ത ഒരെണ്ണമായിരുന്നു എന്നത് മാത്രമല്ല നല്ല പച്ച മലയാളത്തിലായിയിരുന്നുതാനും ഒരു വാക്കുപോലും അതില്‍ ചൈനീസ്‌ ഇല്ലെന്നാണ് എന്റെ ഓര്‍മ്മ ,  ഒരു പോസ്റ്റ് ഒരാള്‍ അടിച്ചു മാറ്റിയ വിവരം അറിയിക്കാനായിരുന്നു അത്, നാലാള് പ്രതികരിച്ചതോടെ ആ മാന്യദേഹം അതവിടെനിന്നു മാറ്റുകയും ചെയ്തു. ആ പോസ്റ്റ് ആകെ കണ്ടിട്ടുള്ളതായി ഗൂഗിളമ്മായി പറയുന്നത് അറുനൂറ്റി മുപ്പതു പേരാണ് , മാത്രവുമല്ല ഈ രണ്ടു മൂന്നു  കൊല്ലത്തെ കാലയളവിനുള്ളിൽ ഈ ബ്ലോഗിൽ ആകെ കയറിയിട്ടുള്ളത്‌ എഴുപത്തിഏഴായിരത്തോളം പേരാണ് അതും മാസത്തിൽ ശരാശരി നാലായിരത്തോളമാണ് ഇവിടെ സ്റ്റാറ്റ്സിൽ കാണുന്നത്   എന്നാൽ പോസ്റ്റൊന്നും ഇല്ലാതെ തന്നെ കഴിഞ്ഞമാസം (ഫെബ്രുവരി) ഇവിടെ ആറായിരത്തി എഴുനൂറ്റി അമ്പത്തി നാലു പേർ കയറിയിറങ്ങിപ്പോയതായി കാണുന്നു (മുകളിലുള്ള സ്ക്രീൻ ഷോട്ടിൽ കാണാം)അതിൽ നാലായിരത്തി എണ്‍പത്തി നാലു പേർ ചൈനയിൽ നിന്നുള്ള മനിതര്‍കളാണെന്നും ഗൂഗിളമമായി കാട്ടിത്തരുന്നു (പടം താഴെ) എന്തായിരുന്നു ഈ ചൈനീസ് മനിതര്‍കളുടെ ഉദ്ദേശം ! ഇക്കാര്യത്തില്‍ എന്ത്  ഊഹിക്കണമന്ന കാര്യത്തില്‍ പോലും എനിക്കൊരു ഊഹം കിട്ടുന്നില്ലെന്റെഗൂഗിളമ്മായ്യ്യെ..


ഇനി ഒരു പക്ഷേ കുറച്ചുകാലം മുമ്പ്  ഫേസ്ബുക്കിലെ ചിപ്പി ഗ്രൂപ്പില്‍ നമ്മുടെ കോട്ടക്കല്‍ കുട്ടിക്ക (ഓര്‍മച്ചെപ്പ്) ചൈനയുടെ രാഷ്ട്രീയ സ്ഥിതിഗതികളെ കുറിച്ചെഴുതിയ കമ്മന്റിനെ വിമര്‍ശിച്ചു കൊണ്ട് ഞാനെഴുതിയ മറുപടി കമ്മന്റ്  (താഴെ കാണാം) ഫോളോ ചെയ്താണോ ചൈനീസ്‌ ചാരന്മാര്‍ എന്റെ ബ്ലോഗില്‍ എത്തിയതെന്നും ഈ അതിക്രമങ്ങള്‍ക്ക് ഒരുങ്ങിയതെന്നും സംശയവും ഇല്ലാതില്ല. ഇനിയും അവര്‍ കൂടുതല്‍ പ്രശ്നമുണ്ടാക്കാനാണ് ശ്രമമെങ്കില്‍ നമ്മുടെ നാടിന്റെ ഇപ്പോഴത്തെ ശ്രദ്ധാകേന്ദ്രമായ ചീപ് വിപ്പിനെക്കൊണ്ട് നാല് വര്‍ത്താനം പറയിപ്പിക്കുകതന്നെ, ഇത്രയും കിടിലനായി സംസാരിക്കാന്‍ കഴിയുന്ന മറ്റാരുണ്ട് നമ്മുടെ നാട്ടില്‍ !അങ്ങേരുടെ നല്ല നാലെണ്ണം കേട്ടാൽ  ചൈനക്കാരല്ല ചെകുത്താൻ വരെ വാലും ചുരുട്ടി പറ പറക്കും...ഹല്ലപിന്നെ.
 
 
ഇത്രയും വസ്തുനിഷ്ഠവും ഗഹനവുമായ ഈ ഒരു പഠനം  ഞാനിപ്പോൾ നടത്താൻ കാരണം വാർഷിക എക്സാം കഴിഞ്ഞ് ഒരു പണിയുമില്ലാതെ ചുമ്മാ ഇരിക്കേണ്ടി വന്നതുകൊണ്ട് മാത്രമാണ്. രണ്ടുകൊല്ലം മുമ്പ് എഴുതിത്തുടങ്ങി കഴിഞ്ഞ മാസം പൂർത്തിയാക്കിയ എന്റെ മഹത്തായൊരു കഥ ഉപ്പച്ചിയുടെയുടെയും മറ്റു ഒന്നുരണ്ടു തല്‍പരകക്ഷികളുടെയും അഭിപ്രായത്തിനും പ്രസിദ്ധീകരണത്തിനുള്ള അനുവാദത്തിനുമായിസമര്‍പ്പിച്ചിട്ട് രണ്ടാഴ്ചയായി, എന്നാല്‍ അവിടെനിന്നു ഒരു ഒച്ചേം അനക്കോം കാണാനില്ല ,അവരൊക്കെ അതിന്റെ കാര്യം മറന്നെന്നു തോന്നുന്നു . കഥയെന്നു പറഞ്ഞാൽ  എന്റെ നോട്ടത്തിൽ അതൊരു ഒന്നൊന്നര കഥതന്നെയാണ് വെണോങ്കിൽ ഓരോന്നെമുക്കാല് വരെയും പോകാം, ഈനാംപേച്ചിക്കായാലും മരപ്പട്ടിക്കായാലും തൻ കുഞ്ഞു പൊൻ കുഞ്ഞു തന്നെയാണല്ലോ ! ഞാൻ ചുമ്മാ ബഡായി പറയുന്നതല്ല , സ്കൂൾ കലോത്സവത്തിൽ ആ കഥയ്ക്ക്   യു പി തലത്തിൽ ഒന്നാം സ്ഥാനമാണ് കിട്ടിയത് ,കൂടാതെ ഞാനോറ്റക്ക് പാടിയ ഗ്രൂപ്പ്‌ ഗാനത്തിനും ഒന്നാം സ്ഥാനം തന്നെ മോണോ ആക്ടിന് രണ്ടാം സ്ഥാനവും.. ഞാനാണ് പറയുന്നതെന്നതെന്നതുകൊണ്ട് നിങ്ങൾക്ക് ചിലപ്പോള്‍ വിശ്വാസം വന്നില്ലെന്ന് വരാം അതോണ്ട്  താഴെയുള്ള ഫോട്ടോ നോക്കിക്കെ..കണ്ടല്ലോ അല്ലെ! 

 പറഞ്ഞു വന്നാൽ  ഈ രണ്ടുമൂന്നു മാസത്തിന്നിടയിൽ  വേറെയും ചില അവിശ്വസനീയ സംഭവ വികാസങ്ങൾ ഉണ്ടായി, ദുബായിൽ നിന്നും എന്റെ ഈ ബ്ലോഗിനൊരു അവാർഡു കിട്ടി അതും ചുമ്മാ തുക്കട തരികിട അവാര്‍ഡൊന്നുമല്ല കേരള റീഡേര്‍സ് ആന്‍ഡ്‌ റൈറ്റര്‍സ് ഫോറം വക സൌഹൃദയ ന്യൂ മീഡിയ-13 അവാര്‍ഡായി സര്ട്ടിഫിക്കറ്റ് ,പ്രശസ്‌തിപത്രം , പൊന്നാട എന്നിവ അടങ്ങിയ കടു കിടു സംഭവമായിരുന്നു. അവിശ്വാസികൾക്കായി   അതിന്റേം പടം താഴെയുണ്ട് . ഈ അവാര്‍ഡിന് വേണ്ടി എന്റെ ബ്ലോഗ്‌ നിര്‍ദേശിച്ച പ്രിയപ്പെട്ട O.S.A.റഷീദ്ക്കാക്ക് (പറയാനുള്ളത്..) ഒരു കൊട്ട നന്ദി ഇവിടെ രേഖപ്പെടുത്തട്ടെ -കൂടെ ദുബായിൽ വെച്ച് നടന്ന ചടങ്ങിൽ എനിക്ക് വേണ്ടി തിരക്കഥാകൃത്ത് ടി.എ.റസ്സാഖ് അങ്കിളില്‍ നിന്നും അവാര്‍ഡ്‌ ഏറ്റുവാങ്ങിയ അഷ്‌റഫ്‌ക്കാക്കും (Ashraf Kallil) ഒരു കുടം നന്ദി അറിയിക്കുന്നു .


ഇത്രയോക്കെയാണ് പുതിയ സംഭവ വികാസങ്ങൾ പോരെ പൊടിപൂരം! പിന്നെ എന്‍റെ പുന്നാര അനുജത്തി ചുന്നാസ് ഇപ്പൊ നാലാം തരത്തിലായതിനാല്‍ മലയാളം കൂട്ടിവായിക്കാനൊക്കെ പഠിച്ചുകഴിഞ്ഞു ,അത് കൊണ്ടുതന്നെ അവളെക്കുറിച്ച് പണ്ടത്തെപ്പോലെ എന്തെങ്കിലുമൊക്കെ എഴുതുന്നത്‌ ആരോഗ്യത്തിനു ഹാനികരമായതിനാല്‍ അങ്ങിനെ ഒരു സാഹസത്തിനു ഞാന്‍ ഒരുക്കമല്ല, എന്‍റെ പഴയ ചില പോസ്റ്റുകള്‍ അവള്‍ കാണരുതേ എന്ന പ്രാര്‍ഥനയോട് കൂടിയാണ്  ഇപ്പോള്‍ ദിവസവും  എഴുന്നേൽക്കുന്നത്‌ തന്നെ .

  
ചുന്നാസ് അന്ന് (2009)
 കാര്യങ്ങള്‍ ഇങ്ങനെയൊക്കെ ആണെങ്കിലും ചില പച്ചയായ പരമാര്‍ത്ഥങ്ങള്‍ മറച്ചു വെച്ച് എന്‍റെ പ്രിയ വായനക്കാരെ വഞ്ചിക്കാന്‍മനസ്സനുവദിക്കാത്തതിനാല്‍ ഞാന്‍ചില വസ്തുതകള്‍ വളരെ റിസ്ക്കെടുത്ത് ഇവിടെ കുറിക്കുകയാണ്. ഈയ്യിടെയായി ചുന്നാസിനെക്കുറിച്ച് ചിലരഹസ്യങ്ങള്‍ ഉമ്മച്ചി കണ്ടെത്തുകയും കയ്യോടെ പിടികൂടുകയും ചെയ്തു, സംഭവം എന്തെന്നാല്‍ ഗള്‍ഫില്‍ നിന്നും മറ്റും വരുന്ന കുടുംബക്കാരും ഉപ്പച്ചിയും ഇക്കപ്പയും മാമന്മാരും ഇക്കമാരും മറ്റും കൊടുക്കുന്ന അല്ലെങ്കില്‍ അവള്‍ എടുക്കുന്ന അഥവാ അടിച്ചു മാറ്റുന്ന പേന, പെന്‍സില്‍ , ഷാര്‍പ്പ്‌നര്‍ , റബ്ബര്‍ തുടങ്ങിയവയുടെ വന്‍ ശേഖരം തന്നെ അവളുടെ   കയ്യില്‍ ഉണ്ടായിരുന്നു, എന്നാല്‍ ഈയ്യിടെയായി ആ ശേഖരത്തിന്‍റെ അളവ് ദിനംപ്രതി കുറഞ്ഞു വരുന്നു കാര്യം ഉമ്മച്ചി ശ്രദ്ധിക്കാന്‍ തുടങ്ങി എന്നാല്‍ ഞാനാണ് ഇതിനു പിന്നില്‍ പാരയായി പ്രവര്‍ത്തിച്ചതെന്ന ഒരാരോപണം ചുന്നാസ് പറയുന്നുണ്ട്   അതുകേട്ട് ഞാനങ്ങിനെ ചെയ്യുമോടീ എന്ന ചോദ്യത്തിന് പോടീ കോനത്താത്താ നീ  മാത്രേ  അത് ചെയ്യൂള്ളൂ  എന്ന എടുത്തടിച്ച പോലെയുള്ള മറുപടിയാണ് അവളില്‍ നിന്നും എനിക്ക് കിട്ടിയത് അതോടെ ഞാനാകെ    കുണ്ഠിതയായിരിക്കുകയാണ്, ഏതു നിമിഷവും അവളില്‍ നിന്നുള്ള ഒരു തിരിച്ചടി ഞാന്‍ പ്രതീക്ഷിച്ചിരിക്കുന്നു, അതെന്തായാലും വരുന്നേടത്തു വെച്ച് കാണാം അല്ലെങ്കില്‍ കിട്ടിയേടം കൊണ്ട് തടുക്കാം ,അല്ലാതെന്തുചെയ്യാന്‍ ?
ചുന്നാസ് ഇന്ന്
ഉമ്മ വിവരം ചോദിച്ചപ്പോള്‍ അവള്‍ സത്യം തുറന്നു പറഞ്ഞു , അക്കാര്യത്തിൽ എന്നുവെച്ചാൽ തലപോയാലും സത്യം പറയുന്ന കാര്യത്തിൽ ചുന്നാസ് ഒരു പണത്തൂക്കം മുന്നിലാണ്, ഉമ്മ അവളെ കാണാതെ പാത്തുവെക്കുന്ന ചില്ലറകള്‍ തപ്പിയെടുക്കുമ്പോള്‍ പോലും അവള്‍ അത് വിളിച്ചു പറയും അത് കേട്ട് ഉമ്മ എത്തുമ്പോഴേക്കും സംഭവം ചോക്ക്ലേറ്റ് രൂപത്തില്‍ അവളുടെ വായിലായികഴിഞ്ഞിരിക്കുമെന്നുമാത്രം , ഈ സത്യസന്ധതയുടെ പേരിൽ  അവളെ പലരും പ്രശംസിക്കുമ്പോൾ അക്കാര്യത്തിൽ ഒന്നര പണത്തൂക്കം പിന്നിലായ എനിക്ക് പിന്നെയും കുണ്ഠിതം  തന്നെ ബാക്കി.  പെൻസിലുകളും  പേനകളും മറ്റും അവളുടെ ക്ലാസ്സിലെ ചില കൂട്ടുകാരികള്‍ക്ക് കൊടുത്തതാണത്രേ , അവളുടെ കയ്യിൽ  കണ്ടപ്പോൾ അങ്ങനെയുള്ളത് കിട്ടാൻ കൂട്ടുകാരികൾക്ക് പൂതി , ചുന്നാസ് കൂട്ടുകാരികളുടെ പൂതി തീർത്തതാണ് , ഉമ്മച്ചിക്ക് അത് കേട്ടതോടെ കലിപ്പിളകി., അവരാരെങ്കിലും നിനക്ക് വല്ലതും തരാറു ണ്ടോടീ  എന്ന ചോദ്യത്തിനും  അവൾക്കു മറുചോദ്യം  റെഡിയായിരുന്നു .
"നമ്മൾ  ഒരു ഉപകാരം ചെയ്യുമ്പോൾ ഇങ്ങോട്ടൊന്നും ആഗ്രഹിക്കരുതെന്ന് ഉമ്മച്ചിയും ഉപ്പച്ചിയുമൊക്കെ തന്നെയല്ലേ പറയാറ്?" 
'ഡിം' അത് കേട്ടതോടെ ഉമ്മച്ചി ഫ്ലാറ്റ്. 
'നിനക്ക് ഇങ്ങനെ കൈ നിറച്ച് വാരിക്കോരി  തരുന്നോരെ പറഞ്ഞാമതി.' എന്നൊരു മുറുമുറുപ്പിൽ ഉമ്മച്ചി തൽക്കാലം കലിയടക്കിയെങ്കിലും   അപ്പോൾ അങ്ങോട്ടെത്തിയ  മാഷ്‌ക്കാട്  പരാതിയായി കാര്യം പറഞ്ഞു. 
"അതൊരു നല്ല സ്വഭാവമല്ലേ ശൈലാ ! അത് പ്രോത്സാഹിപ്പിക്കുകയല്ലേ വേണ്ടത് ?" 
മാഷ്‌ക്കാടെ മറുപടിയും ഉമ്മച്ചിക്ക് തിരിച്ചടിയായി ..അടുത്ത ഊഴം ഉപ്പച്ചി ഫോണ്‍ ചെയ്തപ്പോളായിരുന്നു . ഉപ്പച്ചി ഉമ്മച്ചിയോടു പറഞ്ഞ മറുപടി എന്താണെന്ന് ഞാൻ കേട്ടില്ല , പക്ഷേ ചുന്നാസിനെ വിളിച്ചു അഭിനന്ദിക്കുകയും മോൾക്ക്‌ ഇനിയും എന്ത് വേണേലും കൊടുത്തയക്കാം  നീ ആര്‍ക്ക് വേണേലും കൊടുത്തോ എന്ന് പറയുകകൂടി ചെയ്തതോടെ ചുന്നാസ്  ഇപ്പോൾ ഒന്നരയടി പൊങ്ങിയാണ് നടക്കുന്നത് . 
എന്തായാലും  ഈ സംഭവത്തിൽ നിന്ന് എനിക്കൊരു ഗുണപാഠം കിട്ടി .. 'നല്ല കാര്യങ്ങൾ ചെയ്യുന്നതിന് പാര വെക്കരുത് അഥവാ വെച്ചാല്‍ തന്നെ അത് ബൂമറാംഗ് പോലെ തിരിച്ചുവരും'  അത്രതന്നെ. 



63 comments:

  1. than alu kollamllo i like it plese also visit my blog
    http://imamgassalimalayalam.blogspot.com/

    ReplyDelete
  2. എന്തായാലും ഈ സംഭവത്തിൽ നിന്ന് എനിക്കൊരു ഗുണപാഠം കിട്ടി .. 'നല്ല കാര്യങ്ങൾ ചെയ്യുന്നതിന് പാര വെക്കരുത് അഥവാ വെച്ചാല്‍ തന്നെ അത് ബൂമറാംഗ് പോലെ തിരിച്ചുവരും' അത്രതന്നെ.

    ReplyDelete
  3. ഒരു തോന്നക്കൽ പഞ്ചായത്ത് കണ്ടപ്പോ സമയമില്ലാഞ്ഞിട്ടു കൂടി ഇപ്പൊ തന്നെ കേറി വായിച്ചു... ഇനിയിപ്പോ നെന നമ്മുടെ തോന്നക്കലിനെ എന്ത് ചെയ്യാൻ പോകുവനെന്നുള്ള ചമ്ചയം ആയിരുന്നു..
    വായിച്ചു കഴിഞ്ഞപ്പോ ആശ്വാസമായി.
    ഇപ്പൊ ഡ്യൂട്ടി ടൈമാ... വിശദമായ കമന്റ്‌ പിന്നെ ഇടാം. അല്ലേൽ ചിലപ്പോ ഡ്യൂട്ടി നഷ്ടപ്പെടും.. ഇപ്പൊ ആശംസകൾ നെനക്കുട്ടീ..

    ReplyDelete
  4. മോളേ ! കുറെ ദിവസത്തിനു ശേഷം മോളുടെ ബ്ലോഗ്‌ വായിച്ചപ്പോള്‍ നല്ല സന്തോഷം തോന്നി..
    ചീപ്പ് വിപ്പ് ഈ ബ്ലോഗ്‌കാണാതിരുന്നാല്‍ മതിയായിരുന്നു. അയാളുടെ വായില്‍ നിന്നും വല്ലതും വീണാല്‍ അറേബ്യയിലെ എല്ലാ പെര്ഫ്യൂമുകളും പൂശി യാലും നാറ്റം മാറില്ല ..

    എല്ലാ ഭാവുകങ്ങളും നേരുന്നു...

    ReplyDelete
  5. Blogil kuthikurikkunathinodappam kushubhum kunnaymayum nalla reethiyil kond nadakkanum paramavathi shramikkunund alley....

    ReplyDelete
  6. ഇമ്മിണി കാലമായല്ലോ നെനാസേ നിന്‍റെ ബ്ലോഗ്‌ ഒന്ന് വന്നിട്ട് ഇപ്പൊ ഏതായാലും ഇതിപ്പോ ഉഷാറായി അവര്‍ഡ് വാങ്ങിയതിനു ന്റേം അഭിനന്ദനം

    ReplyDelete
  7. തകർത്തൂ, യ്യ് വീണ്ടും തകർത്ത് എഴുതി........
    ആശംസകൾ

    ReplyDelete
  8. Ithu vare vannit enganeya onnum parayathe pokuka oru pich thanne aayikote nanas nannayitund mathravumalla oru onnanara ashamsakal awrd okk vaangiyathine

    ReplyDelete
  9. Nenamole idakku kurenalukal kanathirunnenkilum ella visheshangalum njangalumayi pankuvakkan ethiyallo santhosham ............ appol nenakutty thanneya chunnasine para vachathu alle........

    ReplyDelete
  10. ninnepole exam kazhinj pani onnum illathe irikkunna ethenkilum oru chainakkaranaayirikkum blogil kayariyath.

    ReplyDelete
  11. ഹ ഹ ഹ ഹാ , ചൈനക്കാര്‍ ബ്ലോഗില്‍ നിന്ന്‍ വല്ല മുത്തോ ചിപ്പിയോ കട്ട് കൊണ്ട് പോയോ എന്ന് നോക്കണേ ...

    ReplyDelete
  12. നെനാസേ ചൈനയിലും നിനക്കിത്ര ആരാധകരോ?
    ഒരു പക്ഷെ നിന്റെ ബ്ലോഗ്‌ ചൈനയിലെ എന്തെങ്കിലും അവാർഡിനു തിരഞ്ഞെടുത്തിട്ടുണ്ടാവോ !!! പ്രതീക്ഷ കൈവിടണ്ട..
    അഥവാ ബിരിയാണി കൊടുക്കുന്നുണ്ടങ്കിലോ..
    പരീക്ഷയെല്ലാം എങ്ങിനെയുണ്ടായിരുന്നു?

    ReplyDelete
  13. ഇവിടെ മൊത്തമായി ചൈനീസ് ഉല്പന്നങ്ങളാണല്ലൊ,,, അക്കൂട്ടത്തിൽ ഇതും.

    ReplyDelete
  14. രസികന്‍ പോസ്റ്റ്‌, ഒഴുക്കോടെ വായിച്ചു പോയി. ആശംസകള്‍

    ReplyDelete
  15. നല്ല സ്വഭാവം പ്രോത്സാഹിപ്പിക്കണം.
    നന്നായി എഴുതി
    ആശംസകള്‍

    ReplyDelete
  16. ചുന്നാസ് പണികൾ ഓരോന്ന് തരുക ആണല്ലേ ?

    ഒരു ബ്ലോഗ്‌ തുടങ്ങിക്കൊടുക്ക് അവള്ക്ക്.വല്ലതും
    കുത്തിക്കുറിച്ച് അവിടെ ഇരുന്നോളും.

    എല്ലാ അവാര്ഡ്കള്ക്കും അഭിനന്ദനം. പരീക്ഷ
    എങ്ങനെ ഉണ്ടായിരുന്നു നേന?

    ReplyDelete
  17. ഹ...ഹ..ചീപ്പ് വിപ്പിനൊരെതിരാളി.......മോളൂ....കണ്ടിട്ട് ശ്ശി കാലമയി ല്ലെ....ചൈനാക്കാരെ പേടിക്കണം....പിന്നെ ചുന്നാസ് ഒരു എതിരാളി ആകുമോ? മോൾ ആ കഥ ഉടനെ പ്രസിദ്ധീകരിക്കുക...എല്ലാ നന്മകളും

    ReplyDelete
  18. അവാര്‍ഡിന് അഭിനന്ദനങ്ങള്‍ മോളൂ... ഇനി ചൈനയില്‍ നിന്ന് എന്താണാവോ വരാന്‍ ഇരിക്കുന്നത്?? Made in China ലേബല്‍ ഇല്ലേ എന്ന് നോക്കാന്‍ മറക്കണ്ട.

    ReplyDelete
  19. ഒരു കൊട്ട അഭിനന്ദനങ്ങള്‍ അങ്ങ് വാങി വയ്ക്കാ....
    പിന്നെ ഗൂഗ്ഗിളമ്മായിക്ക് വയസ്സായിത്തുടങ്ങി....ചിലപ്പോ നമ്മുടെ CHENNAI മൂപ്പത്തി CHINA ആക്കുന്നുണ്ടാകും.

    ReplyDelete
  20. വരാന്‍ വൈകി മോളേ,അതെന്താണെന്നു നീ അന്വേഷിച്ചില്ലല്ലോ? അല്ലെങ്കിലും അനക്കിപ്പോള്‍ തീരെ സ്നേഹമില്ല. ഇജ്ജ് ചിപ്പീന്ന് പോകാന്നു പറഞ്ഞപ്പോഴല്ലെ ഞാന്‍ പോന്നത്. അതു വരെ നിന്നെ പൊന്നു പോലെ നോക്കീലെ? പിന്നെ സംഭവം എന്താണെന്നു വെച്ചാല്‍ കഴിഞ്ഞ ദിവസത്തെ ഇടിയില്‍ എന്റെ മോഡവും അതു കുത്തിയ സിസ്റ്റത്തിലെ ലാന്‍ കാര്‍ഡും എല്ലാം അടിച്ചു പോയി. വേറെ ലാപ്പും അതില്‍ കുത്തിയിരുന്നു.അതിനും കിട്ടി ഇടി. തല്‍ക്കാലം പുതിയ മോഡവും ലാന്‍ കാര്‍ഡും വാങ്ങി 1 ദിവസമേ ആയുള്ളൂ എല്ലാം ശരിയായിട്ട്. ലാപ്പിന്റെ കാര്യം ഐ.സി യു വിലാണ്. ഉറുപ്പ്യ കുറെ മാണം. ഇതു വായിച്ചു മുതലാളിമാര്‍ സഹായിക്കുമെന്നു കരുതു ന്നു. പിന്നെ എന്റെ കമന്റ് വായിച്ച് ചൈനക്കാര്‍ അന്റെ ബ്ലോഗില്‍ നിരങ്ങിയതായി വായിച്ചു. എല്ലാറ്റിനേം നമുക്ക് ശരിയാക്കണം. ഇനി അവര്‍ മലയാളമെങ്ങാനും പഠിച്ച് എന്റെ ബ്ലോഗിലെങ്ങാനും വരുമോ? നീ കൊടുത്ത ലിങ്ക് നോക്കി വരുമോന്നാ ഇപ്പോ എന്റെ പേടി..!

    ReplyDelete
  21. നന്നായിട്ടുണ്ട്‌

    ReplyDelete
  22. അസ്സലായി നേനസേ ... തുടര്ന്നും എഴുതുക .... നല്ല ഭാവിയുണ്ട്

    ReplyDelete
  23. സല്‍മാത്ത : ബ്ലോഗ്‌ ഞാന്‍ കണ്ടു അവിടെ കാര്യമായി ഒന്നും കാനിന്നില്ലല്ലോ ,എന്തെന്കിലുമോല്ലേ പോസ്റ്റ് ചെയ്യെന്നെ.
    Basheer Thonnakkal /ബഷീര്‍ തോന്നയ്ക്കല്‍ : വളരെ സന്തോഷം ബഹുത് ശുക്രിയാ ബഷീര്‍ക്കാ
    ബാവ രാമപുരം : വിപ്പിന് അങ്ങിനെ വായിക്കുന്ന ശീലമോന്നും ഉണ്ടെന്നു തോന്നുന്നില്ല ബാവക്കാ.

    ReplyDelete
  24. @ എന്‍റെ തോന്ന്യാസങ്ങള്‍ : ഇതൊക്കെ ചുമ്മാ എഴുതി വിടുന്നതല്ലേ മാഷേ.
    @ കൊമ്പന്‍ : കൊമ്പന്‍ക്കാ പെരുത്ത്‌ സന്തോഷം.
    @ ഷാജു അത്താണിക്കല്‍ : ബഹുത് ശുക്രിയാ ഷാജുവേട്ടാ

    ReplyDelete
  25. @ noufal noufi സന്തോഷം നൌഫല്‍ക്കാ
    @ dinil : പാരഎന്ന് പറയാന്‍ പറ്റില്ല ദിനിലെട്ടാ
    @ Ajesh A.V അങ്ങിനെയും ആവാം അല്ലെ ?
    @ കണ്ണന്‍ | Kannan :D

    ReplyDelete
  26. @ Salim Veemboor സലിം വീമ്പൂര്‍ : അതിനിമ്മിണി പുളിക്കും. എന്തെങ്കിലും ചെയ്താല്‍ അവര് വിവരമറിയും.
    @ Ashraf Ambalathu :അപ്പൊ ഒരു ചൈനീസ്‌ അവാര്‍ഡ്‌ പ്രതീക്ഷിക്കാം അല്ലെ ഇക്കാ ?
    @ മുസ്തഫ|musthapha : എന്റെ അവാര്‍ഡ്‌ അവിടെത്തന്നെയുണ്ടല്ലോ അല്ലെ? :D

    ReplyDelete
  27. @ ജന്മസുകൃതം : പാവം ഉമ്മച്ചി ..
    @ ശ്രദ്ധേയന്‍ | shradheyan : ഇക്കാ സന്തോഷം.
    @ mini//മിനി : ഇത് ഒറിജിനലാ ആന്റി.

    ReplyDelete
  28. @ Arif Zain : വളരെ വളരെ സന്തോഷം ഇക്കാ .
    @ Cv Thankappan : ശുക്രിയാ അങ്കിള്‍.
    @ ente lokam : എക്സാം രണ്ടെണ്ണം കൂടി ബാകിയുണ്ട് -എഴുത്തിലും വായനയിലുമൊന്നും ച്ചുന്നാസിനു താല്പര്യം ഇല്ല എന്റെ ലോകമേ.

    ReplyDelete
  29. @ ചന്തു നായർ : അങ്കിളിനെ കണ്ടില്ലല്ലോ എന്ന് ഞാന്‍ വിചാരിച്ചതെയുള്ളൂ .കഥ ഒരാഴ്ചക്കുള്ളില്‍ വരുമെന്നു പ്രതീക്ഷിക്കുന്നു.
    @ Mubi : ചൈനയില്‍ നിന്നും പാര വരാതിരുന്നാല്‍ മതി - കണ്ടതില്‍ സന്തോഷം ഇക്കാ.

    ReplyDelete
  30. @ Areekkodan | അരീക്കോടന്‍ : കൊട്ട സന്തോഷത്തോടെ സ്വീകരിച്ചു ,ഇനിയോപ്പോ അങ്ങിനെയും ആവാം അല്ലെ അങ്കിള്‍ ?
    @ Mohamedkutty മുഹമ്മദുകുട്ടി : ഇന്നുകൂടി കണ്ടില്ലെങ്കില്‍ ഞാന്‍ മെയില്‍ അയക്കാന്‍ തീരുമാനിച്ചിരുന്നു , കറന്റിന്റെ പ്രശ്നം കൊണ്ടായിരിക്കും അല്ലെ ഇതെല്ലാം ഇങ്ങനെ അടിച്ചു പോവുന്നത് ? ഇന്നലെ ഞാന്‍ ഫേസ്ബുക്ക് പ്രൊഫൈലില്‍ കേറി ചോദിക്കാന്‍ നോക്കി -പറ്റുന്നില്ല . ഇപ്പോള്‍ എല്ലാം ശേരിയായല്ലോ അതുതന്നെ സമാധാനം -ഇക്ക ചിപ്പിയില്‍ വേണം അല്ലാതെ മനസ്സിനൊരു സുഖമില്ല . എനിക്കെന്റെ ഉപ്പച്ചി പറയുന്നപോലെ തന്നെയാണ് എന്ത് കാര്യവും ഇക്കാ പറയുന്നതും..ഇനി ചൈനക്കാരു അവിടെ വരികയാണെങ്കില്‍ നമുക്ക് മേല്‍പ്പറഞ്ഞ പ്രയോഗം നടതാമെന്നെ.

    ReplyDelete
  31. @ Abbas Doha : സന്തോഷം ഇക്കാ .
    @ Unknown : ആരായാലും സന്തോഷം തന്നെ.

    ReplyDelete
  32. എന്റെ ബലമായ സംശയം ചൈനാക്കാർ ഈ ബ്ലോഗിന്റെ ഡൂപ്ലിക്കേറ്റ് ഉണ്ടാക്കാൻ ഉള്ള പരിപാടി ആണെന്ന് തോന്നുന്നു...

    ചുന്നാസ് കോമഡീസ് എന്ന പേരിൽ നമുക്കൊരു പുസ്തകമിറക്കാം...

    ReplyDelete
  33. വളരെ രസകരമായി എഴുതി.വായിച്ചു.ആസ്വദിച്ചു.വാക്കുകളുടെ ഈ ഒഴുക്ക് ഒരിയ്ക്കലും നിലക്കാതിരിക്കട്ടെ.

    ReplyDelete
  34. @ vaasumesh vasu : വാസുവേട്ടന്‍ പറഞ്ഞപ്പോഴാ അങ്ങനെയൊരു സാധ്യതയെക്കുറിച്ച് ഓര്‍ത്തത്‌, ബുക്ക്‌ ഇറക്കാന്‍ ആരെങ്ങിലുമൊന്നു തയ്യാറാവണ്ടെ?
    @ ആറങ്ങോട്ടുകര മുഹമ്മദ്‌ : വളരെ സന്തോഷം മുഹമ്മദ്‌ക്കാ.

    ReplyDelete
  35. God bless you, keep it up, very nice picturing

    ReplyDelete
  36. നന്നായി പറഞ്ഞു,, രസകരമായി വായിച്ചു പോകാന്‍ തോന്നുന്ന ശൈലി ,, ഇപ്പോള്‍ എല്ലാം ചൈന മയമല്ലേ അത് കൊണ്ട് വല്ല ചൈനക്കാരും മോളെ പോസ്റ്റ്‌ വായിച്ചു അതു പോലെ ഒന്ന് ഇറക്കാന്‍ കയറി നോക്കിയതാവും ,,അനിയത്തി കുട്ടിക്കും ഒരു ബിഗ്‌ ഹായ് ട്ടോ ...

    ReplyDelete
  37. നല്ല രസത്തിലങ്ങു വായിച്ചു .
    സ്കൂള്‍ അവധി തുടങ്ങിയല്ലോ. ചൈനക്കാര്‍ക്ക് വേണ്ടി ബ്ലോഗെഴുത്തും തകൃതിയാക്കിക്കോ.

    ReplyDelete
  38. ഒരു മടുപ്പും തോന്നാത്ത ഒരു പോസ്റ്റ്‌ ...

    ചൈനക്കാര്‍ക്കെന്താ ഈ ബ്ലോഗ്ഗില്‍ കാര്യം? ഉത്തരം കിട്ടാതെ ചോദ്യം അവശേഷിക്കുന്നു

    ReplyDelete
  39. നല്ല കാര്യങ്ങൾ ചെയ്യുന്നതിന് പാര വെക്കരുത് അഥവാ വെച്ചാല്‍ തന്നെ അത് ബൂമറാംഗ് പോലെ തിരിച്ചുവരും' മനസ്സിലായല്ലോ !

    ReplyDelete
  40. @ Abbas Ussainar താങ്ക്സ് ഇക്കാ
    @ ഫൈസല്‍ ബാബു : അതായിരിക്കും ഉദ്ദേശം അല്ലെ? ഈ ചൈനക്കാരുടെ ഒരു കാര്യം.
    @ റോസാപൂക്കള്‍ : ചേച്ചീ കണ്ടതില്‍ വളരെ സന്തോഷം. ചൈനക്കാരെ ഒന്നുകൂടി നിരീക്ഷിച്ചുനോക്കട്ടെ .

    ReplyDelete
  41. @ വേണുഗോപാല്‍ : എനിക്കും ശെരിയായ ഒരുത്തരം കിട്ടിയില്ല വേണുവേട്ടാ..ഇനിയിപ്പോ എന്ത് ചെയ്യണോ ആവോ?
    ഉപ്പച്ചീ : മനസ്സിലായെ..

    ReplyDelete
  42. നന്നായി വിശദീകരിച്ചിരിക്കുന്ന
    വായനാസുഖമുള്ള നല്ല ഒരു പോസ്റ്റോടുകൂടിയാണല്ലോ
    നേനയുടെ തിരിച്ച് വരവ്

    ReplyDelete
  43. വളരെ സന്തോഷം മുരളിയേട്ടാ.

    ReplyDelete
  44. സന്തോഷം തന്നെ വല്ലഭേട്ടാ.

    ReplyDelete
  45. നേരത്തെ വായിച്ചതാ. പക്ഷെ, അന്നേരം കമന്‍റിടാന്‍ പറ്റീലാ. അപ്പൊ നേനക്കുട്ടിക്ക് ചൈനേല്‍ വരെ ആരാധകരുണ്ട്... ഉം നടക്കട്ടെ.
    ചുന്നാസ് ഒരു പരമസുന്ദരിയാകുന്ന മട്ടുണ്ട്... ( ഒന്നരയടി അല്ല രണ്ടടി പൊങ്ങിക്കോട്ടെ )
    നേനക്കുട്ടി കേമായിട്ട് എഴുതുന്നുണ്ട് കേട്ടോ. വലിയൊരു എഴുത്തുകാരിയായി തീരട്ടെ. എല്ലാ ആശംസകളും...

    ReplyDelete
  46. @Echmukutty : ഹായ്‌ ചേച്ചീ..,എച്ചുമുചേച്ചി,മുല്ലത്ത. കുട്ടിക്ക,റാംജിഅങ്കിള്‍,അജിത്അങ്കിള്‍, കുഞ്ഞാക്ക,ചന്തുഅങ്കിള്‍, ടീച്ചര്‍ ആന്റി,ആശ്രഫ്ക്ക,ബാവക്ക,ഉപ്പച്ചി തുടങ്ങിയ ചിലരെ പോസ്റ്റിലേക്ക് കണ്ടില്ലെങ്കില്‍ എന്തോ ഒരു പ്രയാസമാണ്,ചേച്ചി കണ്ടില്ലെന്നു കരുതി ചേച്ചിക്ക് വീണ്ടും മെയില്‍ അയക്കാന്‍ തുടങ്ങുകയായിരുന്നു,കണ്ടതില്‍ ഒരു പാട് സന്തോഷം.ചൈനക്കാരുടെ ഉദ്ദേശം എന്താണെന്ന് മനസ്സിലാവുന്നില്ല,ചേച്ചിയുടെ അഭിനന്ദനം എനിക്ക് ഏതൊരു അവാര്‍ഡിനെക്കാളും വലുതാണ്‌,എനിക്ക് എന്നെക്കാള്‍ ഇഷ്ടം ശെരിക്കും എന്റെ ചുന്നാസിനെയാണ്.

    ReplyDelete
  47. അപ്പോ അവാര്‍ഡൊക്കെ കിട്ടി വല്യ പുള്ളിയായല്ലേ...
    - അഭിനന്ദനങ്ങള്‍..

    ReplyDelete
  48. @mehd maqbool ചൈനയില്‍ നിന്നു കൂടി ഒരെണ്ണം പ്രതീക്ഷിക്കുന്നു ഇക്ക ,കണ്ടതില്‍ വളരെ സന്തോഷം.

    ReplyDelete
  49. ഇഷ്ടായി മോളേ....രസികന്‍ എഴുത്ത്..വായിച്ച് ഒരുപാട് ചിരിച്ചു...
    നന്നായി വരട്ടെ....(പറ്റുമെങ്കില്‍ വെക്കേഷനു ഉപ്പയെ ചാക്കിട്ട് ഒരു ഗള്‍ഫ് സന്ദര്‍ശനം തരപ്പെടുത്തൂ..)

    ReplyDelete
  50. @നൗഷാദ് അകമ്പാടം:ഹാവൂ ..അങ്ങനെ ഇക്ക ഒന്ന് വന്നല്ലോ ! വളരെ സന്തോഷം ട്ടോ ..വെക്കേഷന്‍ ഗള്‍ഫിനേക്കാള്‍ നല്ലത് നാട് തന്നെയാണ്.അവിടെ വന്ന് കൂട്ടിലിട്ടപോലെ ഒരു സുഖവുമില്ല.

    ReplyDelete
  51. Chinees Vanmathilum kadannu Nenayude Peruma ....!!!

    Manoharam, Molu.... Ashamsakal...!!!

    ReplyDelete
  52. @Sureshkumar Punjhayil : വളരെ വളരെ സന്തോഷം സുരേഷേട്ടാ..

    ReplyDelete
  53. വളരെ രസകരമായ എഴുതി
    കൂടുതല്‍ നര്‍മ്മ ഭാവങ്ങള്‍ വിടരട്ടെ
    ആശംസകള്‍

    ReplyDelete
  54. പോസ്റ്റ് ഞാന്‍ നേരത്തേ വായിച്ചതാ കമന്റ് എഴുതാന്‍ നേരം കിട്ടിയില്ലന്നല്ല ഞാന്‍ ആലോചിക്കുവാരുന്നു ഈ ചൈനാക്കാരുടെ ഒരു കാര്യം. കേട്ടിട്ടില്ലേ "Napoleon Bonaparte once said of China, "Let her sleep, for when she wakes, she will shake the world."".
    ചുന്നാസിനു ഒരു ചക്കരയുമ്മ.

    ReplyDelete
  55. @ ഇസ്മായില്‍ കുറുമ്പടി (തണല്‍) shaisma@gmail.com : വളരെ സന്തോഷം ഇക്കാ.ഖത്തറില്‍ നിന്ന് ഇപ്പോള്‍ കൂടുതല്‍ ആരെയും കാണാറില്ല ഈ വഴിക്ക്.
    @ മാണിക്യം : ബഹുത് ശുക്രിയാ ആന്റി, ചൈനക്കാരുടെ ഉദ്ദേശം ഇപ്പോഴും മനസ്സിലായിട്ടില്ല കണ്ടതില്‍ വളരെ സന്തോഷം.

    ReplyDelete
  56. അവാര്‍ഡുകള്‍ ഏറ്റുവാങ്ങിയ മിടുക്കിക്ക് ന്റെ ഹൃദയം നിറഞ്ഞ അഭിനന്ദനങ്ങള്‍ ..
    ചുന്നാസും നെനാസിനെപ്പോലെ മിടുമിടുക്കിയായി വരട്ടെ ..ന്റെ അന്വേഷണം കൂടി പറഞ്ഞേക്കൂ ..പിന്നെ സമൂഹഗാനം ഒറ്റയ്ക്ക് പാടി കുഞ്ഞിലെ ഞാനും പ്രൈസ് വാങ്ങിയിട്ടുണ്ട് ട്ടാ ഇപ്പൊ എനിക്ക് സന്തോഷായി എനിക്കൊരു കൂട്ട് നെനാസും ഉണ്ടല്ലോ ..:)

    ReplyDelete
  57. @kochumol(കുങ്കുമം) : താത്താനെ കണ്ടില്ലല്ലോ എന്ന് കഴിഞ്ഞ ദിവസം വിചാരിച്ചു , സംഘഗാനം ഒറ്റയ്ക്ക് പാടാനുള്ള ബുദ്ധിമുട്ട അറിയുന്ന ഒരാളെങ്കിലും ഉണ്ടാല്ലോ സന്തോഷമായി.

    ReplyDelete

  58. ചൈനയെ പറ്റി ഒരക്ഷരം നീ മിണ്ടരുത്

    അവധിക്കാലം അല്ലേ...........
    ഇതിലും വല്യ ബഡായികള്‍ പ്രതീഷിക്കുന്നു.
    പിന്നെ അനുജതിക്കും ഒരു ബ്ലോഗ് ഉണ്ടാക്കി നല്‍ക്കൂ.... അവള്‍ക്കും കുറേ കഥകള്‍ നിന്നെ പറ്റി പറയാനുണ്ടാക്കുമല്ലോ.

    ReplyDelete
  59. ഇഷ്ടായീട്ടോ നേന .. ചീഫ്‌ വിപ്പിനിട്ടൊരു കൊട്ട് അത് പെരുത്തിഷ്ടായി ..

    ReplyDelete

ഇതുവരെ വന്നിട്ട് മിണ്ടാതെ പോവല്ലേ ..എന്തെങ്കിലും ഒന്ന് തന്നിട്ട് പോ..
ഒരു നുള്ളോ,പിച്ചോ,അല്ലെങ്കിലൊരു നല്ല വാക്കോ..പ്ലീസ് ..

LinkWithin

Related Posts Plugin for WordPress, Blogger...