Apr 16, 2011

"എന്തിനീജീവിതം? (കവിത)!"

സുനാമികളും ഭൂകമ്പങ്ങളും വരെ കണ്ടും കേട്ടും സഹിച്ചവരല്ലേ നമ്മള്‍, അതിലും വലുതൊന്നുമല്ല ഇതെന്നു സമാധാനിക്കാം, തലക്കെട്ടില്‍ കാണുന്നത് പോലെ  ഇതൊരു കവിതയാണ്, ഞെട്ടിയല്ലേ! ഞെട്ടും എനിക്കറിയാം, ഇവളത്രക്കായോ എന്നല്ലേ ആലോചിക്കുന്നത്, പക്ഷെ., അയ്യോ!അത് കേട്ടപ്പോഴേക്കും പോവ്വാണോ? പ്ലീസ്‌, നില്‍കൂന്നേ,  പറഞ്ഞുവരുമ്പോഴേക്കും സിസ്റ്റം ഓഫ്‌ചെയ്യാനും സൈറ്റ്‌ മാറ്റിപ്പിടിക്കാനുമൊക്കെ പോയാലോ! പേടിക്കണ്ടാ ഇതെന്‍റെ വകയല്ലന്നേയ്, ഇത് എന്‍റെ പ്രിയപ്പെട്ട നസ്മിതാത്താടെ വക ഒരു ഇടിവെട്ട്‌ സാധനമാണ്, കൂടുതല്‍ എന്തെങ്കിലും പറയാന്‍ ഞാന്‍ ആളല്ല, എന്‍റെ നേരെ മൂത്ത ഈ താത്താനെക്കുറിച്ച് മുമ്പൊരു പോസ്റ്റില്‍ ഞാന്‍ എഴുതിയിട്ടുണ്ട്, ആ..  അത് തന്നെ, മൈലാഞ്ചി ഡിസൈനിംഗില്‍ ഡിപ്ലോമ എടുത്തെന്ന ആ ഒരു വിചാരവുമായി നടക്കുന്ന...ആ കക്ഷി തന്നെ, പിടികിട്ടിയല്ലേ! ഇനി കിട്ടിയില്ലെങ്കില്‍ ഇവിടെ ഞെക്കി വായിച്ചോളീം.. 
ഈ വര്‍ഷം പ്ലസ്‌ ടു എക്സാംഎഴുതി വിധി കാത്തിരിക്കുന്നവരുടെ കൂട്ടത്തിലാണ് ഇപ്പോള്‍ .ഇക്കഴിഞ്ഞ  സ്കൂള്‍ യൂത്ത് ഫെസ്റ്റിവലില്‍ കവിതാ രചനക്ക് സ്കൂള്‍ തലത്തില്‍ ഒന്നാം സ്ഥാനവും ജില്ലാതലത്തില്‍ രണ്ടാം സ്ഥാനവും കിട്ടിയതാണ്  ഈ ഗിണ്ടാമന്‍ രചന,  ഇതുപോലെ കുറെയെണ്ണം വേറെയും കക്ഷി എഴുതിവെച്ചിട്ടുണ്ട്, അതൊക്കെക്കൂടി വായിച്ചാല്‍ ഉള്ള ബുദ്ധികൂടി ഗോപിയായിപ്പോകുമോ എന്ന സംശയമുള്ളതിനാല്‍ ഈ ഒരെണ്ണം കൊണ്ടുതന്നെ തല്‍ക്കാലം നമുക്ക് സുല്ലിടാം. ഈ മത്സരത്തില്‍ രചനക്ക് സംഘാടകര്‍ കൊടുത്ത വിഷയം "ജീവിതം ഒരു നിലവിളി"എന്നും താത്ത എഴുതിയ കവിതയുടെ തലക്കെട്ട്‌ "എന്തിനീ ജീവിതം"എന്നുമാണ്, രണ്ടു കൂട്ടര്‍ക്കും എന്തൊരു ഭാവന അല്ലെ?                                                                                                                                                   (രണ്ടാം വയസ്സിലെ താത്ത)
ജില്ലാ തലത്തിലൊക്കെ സമ്മാനം കിട്ടിയതല്ലേ ഭയങ്കരമാണ ഒരു കിടിലന്‍ സംഭവമൊക്കെ ആയിരിക്കുമെന്ന് കരുതി അപ്പോഴത്തെ ഒരാവേഷത്തിനു ഇതെന്‍റെ ബ്ലോഗ്ഗില്‍ ചേര്‍ക്കാം എന്ന് ഞാന്‍ പറഞ്ഞും പോയി, അല്ലെങ്കില്‍ സ്വന്തമായി ഒരു ബ്ലോഗ് തുടങ്ങി അതില്‍ ചേര്‍ക്കുമെന്ന ഭീഷണിയും നിലനില്‍ക്കുന്നുണ്ട്, രണ്ടാമത് പറഞ്ഞ  പരീക്ഷണത്തിന്‌ ഇട നല്‍കാതിരിക്കുന്നതാണ് ബുദ്ധി  എന്നെനിക്ക് തോന്നിയത് കൊണ്ടാണ് ഈ വഴി തന്നെ ആവാമെന്ന് വെച്ചത്, എന്നാല്‍ അണ്ടിയോടടുത്തപ്പോഴല്ലേ മാങ്ങയുടെ പുളി അറിയുന്നത്! ഇത് വായിച്ചുകഴിഞ്ഞപ്പോള്‍ ഇതിന്‍റെ വിഷയം പോലെ ജീവിതം ഒരു നിലവിളി ആയിപ്പോകുമോയെന്നും, തലക്കെട്ടുപോലെ എന്തിനീ ജീവിതമെന്നും തോന്നിപ്പോയില്ലെങ്കിലല്ലേ അത്ഭുതമുള്ളു!,  നിങ്ങള്‍ക്ക് എന്ത് തോന്നുമോ ആവോ? പിന്നെ എന്തായാലും വാക്ക് കൊടുത്തു പോയതല്ലേ, നമ്മുടെ കോഞ്ഞാട്ട നേതാക്കളെപ്പോലെ നാഴികക്ക് നാല്‍പ്പതുവട്ടം വാക്ക് മാറ്റിപ്പറയുന്ന ശീലം ഒരു പാവം സാധാ പൌരിയായ എനിക്ക് ഇല്ലാത്തതിനാല്‍ ആ സാഹസം ചെയ്യാന്‍ തന്നെ തീരുമാനിച്ചു,  ഇതും കൂടി നിങ്ങള്‍ സഹിച്ചേ പറ്റൂ.. ഇനി ആര്‍ക്കും ഇത്തരം വാഗ്ദാനങ്ങള്‍ നല്‍കാതെ ഞാന്‍ ശ്രദ്ധിച്ചോളാം, ഇത്തവണത്തെക്ക് മാപ്പാക്ക്.
ഈ കവിതാ രചനാ മത്സരത്തിന് ജഡ്ജസ് ആകാനുള്ള യോഗ്യത എന്താണോ ആവോ? ആ.. ആര്‍ക്കറിയാം! എന്തായാലും ഇതോടെ ഇത്തരം മത്സരങ്ങളില്‍ പങ്കെടുക്കാനുള്ള ആ ഒരു ആവേശം തണുത്തുറഞ്ഞു ഐസ്കട്ട പോലെ ആയിപ്പോയെന്നു പറയാം,  അത്ര തന്നെ.
എന്തുകണ്ടിട്ടാണെന്നു മനസ്സിലാവുന്നില്ല മൂപ്പത്തീടെ ടീചേര്‍സും ഫ്രണ്ട്‌സും പിന്നെ ചില ബന്ധുമിത്രാദികളും ഇതിനെ വല്ലാതെ പൊക്കിപ്പറയുന്നത് കേള്‍ക്കുന്നു, ഉപ്പച്ചിയാവട്ടെ ഈ കവിത വായിച്ച്നോക്കിപറഞ്ഞ അഭിപ്രായം  ഇത്  കണ്ട്രാസത്തില്‍ കുണ്ട്രാസമാണ് മോളെ എന്നാണ് , മാത്രോമല്ല ഇത് ഒരൊന്നൊന്നര കവിതയാണെന്നും നമുക്ക് ചില്ലിട്ടു സൂക്ഷിക്കണം എന്നും കൂടി പറഞ്ഞതോടെ പാവം എന്‍റെ  കടിഞ്ഞൂല്‍ പൊട്ടത്തിതാത്ത അത് വിശ്വസിച്ചു ഒരു മൂന്നുനാലിഞ്ചു പൊക്കം  പെട്ടെന്ന് കൂടിയ പോലെയായി മൂപ്പത്യേര്,  ഉപ്പച്ചി ആരാ മോന്‍!  ആ  കുണ്ട്രാസം കേട്ടാല്‍ അറിയില്ലേ അത് ആളെ ആക്കിയതാണെന്ന്.  നമ്മളിത് എത്ര കേട്ടതാ. അല്ല പിന്നെ.                                                                (താത്ത ഊട്ടിയില്‍ ഉണ്ണിയാര്‍ച്ചയുടെ റോളില്‍)

എന്തായാലും ആ സുനാമി മുഴുവനായും ടൈപ്പ് ചെയ്തു പോസ്റ്റാനൊന്നും എനിക്ക് വയ്യേയ്..ആദ്യത്തെ അഞ്ചെട്ടുവരികള്‍ ഇവിടെയുണ്ട് , ബാക്കിയുള്ളത് സ്കാന്‍ ചെയ്തു കയറ്റിയിട്ടുമുണ്ട്. ഇവിടെ താഴെ കൊടുക്കുന്നു. സമയം പോലെ വായിച്ചു ഒരഭിപ്രായം കുറിച്ചേക്കണെ..പാവമല്ലേ അതെങ്കിലും വായിച്ച് ഒന്ന് ആശ്വസിച്ചോട്ടെ..അല്ലെ!


ഇനിആ  ഇടിവെട്ട് യമണ്ടന്‍ കിടിലന്‍ കവിത വായിച്ചോളൂ...
ജീവിതമെന്ന തോണിയില്‍
കരകാണാതൊഴുകുന്നുഞാന്‍..
ഏതു ദിശയെന്നറിയില്ല..
ഏതു ദിക്കെന്നറിയില്ല..
പങ്കായമില്ലാത്തോരീ തോണിതന്‍
അന്ത്യമെവിടെ..?
ഒരുപാട് ജന്മങ്ങള്‍ ഒരു പാട് വേഷങ്ങള്‍..
മിന്നിമറയുന്നു എന്നുമെന്‍ കണ്മുന്നില്‍..
വേദനകളും നൊമ്പരങ്ങളും
മാത്രം അവശേഷിക്കവേ..
അറിയാതെ ശപിചീടുന്നു..
ഞാനെന്‍ ജന്മത്തെ..
ആരും കൂട്ടിനില്ലാതെ..
അലയുകയാണെന്നും ഞാന്‍..
(ബാക്കി കൂടി വായിണമെന്ന് ശെരിക്കും തോന്നുന്നെങ്കില്‍ താഴെ സ്കാന്‍ ചെയ്ത ഒറിജിനലില്‍ ക്ലിക്കി വലുതാക്കി വായിക്കാം..) 



83 comments:

  1. അടിപൊളി കവിത .... ട്യുട്ടോറിയല്‍ കോളേജ് പൂട്ടാന്‍ കാരണം എന്താണ് ?

    ReplyDelete
  2. നല്ല കവിത, സമ്മാനാര്‍ഹം തന്നെ...! ആ വമ്പത്തിക്കൊരു ഷേക്ക്‌ ഹാന്‍ഡ്‌...! ഇച്ചിരി കുശുമ്പോടെയാണെങ്കിലും ഇതിവിടെ പോസ്റ്റ്‌ ചെയ്ത ഈ അനിയത്തിക്കുട്ടിക്കും അഭിനന്ദനങ്ങള്‍ ....

    ReplyDelete
  3. നന്നായിരിക്കുന്നു നേന. ആശംസകളോടെ...

    ReplyDelete
  4. എല്ലാരും പറയുന്നെ താത്താന്റെ കവിത ഒരൊന്നൊന്നര കവിതയാണെന്നാ
    ഇനിയെങ്കിലും സമ്മതിക്കുന്നതാ നല്ലത് നേനകുട്ടീ...
    അല്ലെങ്കിൽ അളിയൻ ഖത്തറിന്ന് വരുമ്പൊ മിഠായി കൊണ്ട്തരില്ല...
    ഹി.ഹി...
    ആശംസകൾ

    ReplyDelete
  5. നിനക്കൊരു പേടിയുണ്ടല്ലെ, സീറ്റ് ഇളകിത്തുടങ്ങുമോ എന്നു, അതുകൊണ്ടല്ലെ താത്താനെ ബ്ലോഗുണ്ടാക്കുന്നതിൽ നിന്നു നിരുൽസാഹപ്പെടുത്തുന്നത്, കൊച്ചുഗള്ളീ, എന്നാലും നീ താത്താന്റെ ഒരു കവിത പബ്ലിഷ് ചെയ്യാൻവേണ്ടി എന്തൊക്കെയാ പറഞ്ഞെ കടിഞ്ഞൂൽ പൊട്ടത്തി, ആന ചേന മണ്ണാങ്കട്ട, ഹോഹ് പാവം നിന്നോട് പറഞ്ഞുകുടുങ്ങിയതായിരിക്കും.(എന്റെ കമന്റ് വായിച്ചെങ്കിലും നിനക്ക് വല്ല നുള്ളോ പിച്ചോ കിട്ടിയാൽ ഞാൻ കൃതാർഥനായി കുഞ്ഞെ കൃതാർത്ഥനായി)

    ReplyDelete
  6. അസ്സലായിട്ടുണ്ട്....

    ReplyDelete
  7. നന്നായിരിക്കുന്നു.ആശംസകൾ

    ReplyDelete
  8. താത്ത നിന്നെക്കാള്‍ മിടുക്കിയാണല്ലോ ?

    ReplyDelete
  9. കവിതയും കൊള്ളാം കുറിപ്പും ഗൊള്ളാം ഗൊച്ചു ഗള്ളീ

    ReplyDelete
  10. എഴുതുക കൊച്ചു എഴുത്തുകാരീ.... ഇനിയുമിനിയും...


    സ്നേഹാശംസകള്‍......



    മനു നെല്ലായ...

    ReplyDelete
  11. കവിത വളരെ നന്നായിട്ടുണ്ട്. വിവരണവും.

    ReplyDelete
  12. നന്നായിട്ടുണ്ട് കവിത

    ആശംസകള്‍....

    ReplyDelete
  13. നേനയുടെ കുറിപ്പും താത്തായുടെ കവിതയും നന്നായിരിക്കുനു.. എന്നാലും താരം നേന തന്നെ..

    ReplyDelete
  14. ഈ ഇത്താത്തയും അനിയത്തികുട്ടിയും മിടിക്കികളാണല്ലോ.. കവിത നന്നായിട്ടുണ്ട്.. താത്തക്ക്‌ പ്രത്യേക അഭിനന്ദനങ്ങള്‍.. ഇനിയും താത്ത നല്ല നല്ല കവിതകള്‍ എഴുതട്ടെ എന്നു ആശംസിക്കുന്നു (അങ്ങനെ എങ്കിലും നേനകുട്ടിക്കു ഇവിടെ കവിത പോസ്റ്റ്‌ ചെയ്തു ഷൈന്‍ ചെയ്യാല്ലോ)

    ReplyDelete
  15. താത്തക്ക്‌ പ്രത്യേക അഭിനന്ദനങ്ങള്‍

    ReplyDelete
  16. നേനയുടെ തട്ടകം താത്തക്ക്‌ കൊടുത്തു
    തറ വാടക വാങ്ങി അതിന്റെ കൂടെ കുശുമ്പും
    സ്നേഹവും എല്ലാം ചേര്‍ത്തു ഒരു കുറിപ്പും
    ഒരു കല്യാണ കഥയും എല്ലാം ചേര്‍ത്തു ഒരു
    കവിത പ്രസംഗം ....രണ്ടു പേര്‍ക്കും അഭിനന്ദനങ്ങള്‍
    താത്തക്ക്‌ വിവാഹ മംഗളങ്ങളും ....

    ReplyDelete
  17. കവിതക്കെഴുതിയ വിവരണം കവിതയെ ഹൈജാക്ക് ചെയ്തോ .....
    ഇല്ല കവിത കൊള്ളാം. വിവരണം അതിലേറെ നന്ന് .... .. എന്തിനാ സഹോദരി ജീവിത തോട് ഇത്ര ആശങ്ക ? ഇത്ര ചെറു പത്തിലെ ...
    ഓഹ്ഹോ ..മത്സര കവിത യായിരുന്നലോ '? ... അല്പം റിയാലിറ്റി കുറന്നാലും ... കൊഴപം ഇല്ല .....
    ഇനി നീനു കുഞ്ഞാഡിനോട് വളരെ നല്ല ഒരു Attempt .... കീപ്‌ ഇറ്റ്‌ അപ്പ്‌/........ എല്ലാ വിധ ഭാവുകങ്ങളും നേരുന്നു ...

    പ്രിയത്തില്‍
    നിഘു ബായ് വടുതല

    ReplyDelete
  18. കവിതയൊക്കെ അവിടെയിരിക്കട്ടെ,ഇനി ഇതു പോലെ വല്ല ട്യുട്ടോറിയലും അടുത്തെങ്ങാനുമുണ്ടോ? ഉപ്പച്ചിയിനിയെന്നാണു വരുന്നത്. കല്യാണം എന്നത്തേക്കാ . അതോ പരിപാടി ഖത്തറില്‍ വെച്ചു കഴിഞ്ഞോ? ആകെ ഒരു കണ്‍ഫ്യൂഷന്‍.എന്നാല്‍ പിന്നെ താത്താന്റെ ബ്ലോഗൊന്നു തുടങ്ങിക്കൂടെ?.നാളെ തിരൂരില്‍ വരുന്നുണ്ടോ നേനക്കുട്ടീ?

    ReplyDelete
  19. താത്താന്റെ കവിതയേക്കാൾ എമണ്ടൻ മുഖവുര
    കലക്കീട്ടാ കുട്ടി

    ReplyDelete
  20. കൊള്ളാട്ടോ..
    ആശംസകൾ

    ReplyDelete
  21. ആഹാ...നേനാടെ താത്ത പുലിയാണല്ലോ..!!

    ReplyDelete
  22. ഇതുപോലെ മഹത്തരമായ അറുബോറന്‍ കവിത വായിച്ചു സമനില തെറ്റിയ എനിക്കു നിന്റെ താത്തയെ നിക്കാഹു കഴിക്കണമെന്ന് തോന്നിപ്പോയതില്‍ തെറ്റുണ്ടോ?

    ReplyDelete
  23. നേനക്കുട്ടീടെ ‘സുനാമിതാത്ത ‘ ഉഗ്രൻ സംഭവം തന്നെ.

    ReplyDelete
  24. കുഞ്ഞൂസേ
    കുഞ്ഞൂസിന്റെ എഴുത്ത് നന്നായിട്ടുണ്ട്. കുഞ്ഞൂസ് സ്റ്റൈല്‍.
    പൗര എന്നാണ്‌ ട്ടോ സാധാരണ പറയുന്നത്.
    താത്താടെ കവിത എനിക്കിഷ്ടായില്ല. വരിതിരിക്കാതെ ഒന്നെഴുതി നോക്കൂ.
    താത്താ സമ്മാനങ്ങള്‍ വാങ്ങിയ ചുണക്കുട്ടിയല്ലേ. ഇനീം നന്നയി എഴുതാന്‍ പറ്റും.
    കുഞ്ഞൂസിനും താത്തക്കും ആശംസകള്‍

    ReplyDelete
  25. താത്തന്റെ കവിതയുടെ ആപ്പീസ് പൂട്ടിയ വിവരണം താത്താനെ ഒന്ന് ഇരുത്താനായിരുന്നു അല്ലെ? മുഖവുരയില്‍ പറഞ്ഞു പറഞ്ഞു കത്തിക്കയറിപ്പോള്‍ കവിത ഒന്നിരുന്നുപോയി കെട്ടോ നേന.

    ReplyDelete
  26. അടിപൊളി കവിത താ താത്ത ക്ക് ആശംസകള്‍ കൂടെ നിനക്കും ഇനിയും എഴുതുക .

    ReplyDelete
  27. ഇത്തായുടെ കവിതയും മോളെ വിവരണവും... നന്നായിട്ടുണ്ട്ട്ടോ...

    മോളുടെ ഉപ്പയെ ഒന്ന് കാണണമല്ലോ.. എന്താ പറഞ്ഞേ 'കണ്ട്രാസത്തില്‍ കുണ്ട്രാസമാണ്' എന്ന് ഉപ്പച്ചി പറഞ്ഞാല്‍ ആളെ ആക്കിയതാണല്ലേ... ? എന്റെ ഒരു പോസ്റ്റിന് മോളെ ഉപ്പ ഈ 'കണ്ട്രാസത്തില്‍ കുണ്ട്രാസം' ആണ് കമന്റ് ഇട്ടതേ... ശരിയാക്കികൊടുക്കാം...

    ReplyDelete
  28. നിനക്കായി തരാന്‍ നുള്ളു ഓ പിച്ചോ ഒന്നും ഇല്ല
    സ്നേഹത്തോടെ രണ്ട് വാക്ക്‌
    കൊള്ളം ചേച്ചി യും അനിയത്തിയും

    ReplyDelete
  29. കവിത കൊള്ളാം ....പക്ഷേ കുട്ടി കവിതകള്‍ നല്ല പ്രതീഷ ഉള്ളത് എഴുതാന്‍ പറയു ... മോളെ

    ReplyDelete
  30. അതെ കുറച്ചു പ്രത്യാശ യൊക്കെ വേണ്ടേ ..?
    കവിത ഇഷ്ടായീട്ടോ ..

    ആശംസകള്‍

    ReplyDelete
  31. അലയിളകും,തിരയിളകും ജീവിത നൌകയിൽ,കലിയിളകും,മദമിളകും പാരാവാരത്തിൽ, മറുകര കാണാൻ മനക്കോട്റ്റ കെട്ടും മനുഷ്യജന്മങ്ങളേ... വിധിയുടെ കൈകളിൽ, ചതുരംഗക്കള്ളിയിൽ,തകരുന്ന കളിപ്പാവകൾ, നമ്മൾ തകരുന്നകളിപ്പാവകൾ........ താത്തയുടെ കവിത കണ്ടപ്പോൾ അങ്കിളിന്റെ ഒരു പഴയ പാട്ട് ഓർമ്മയിൽ വന്നതാണേ...താത്തയുടെ കവിതക്കും.. നെനയുടെ അവതാരികക്കും ഭാവുകങ്ങൾ

    ReplyDelete
  32. നേനകുട്ടി,
    'ജീവിതം ഒരു നിലവിളി' എന്നത് കുട്ടികള്‍ക്ക് കവിതാ-വിഷയമായി നല്‍കിയ സംഘാടകരുടെ ഔചിത്യം മനസ്സിലാവുന്നില്ല. അല്ല ഇനി വല്ല എന്‍ഡോസള്‍‍ഫാന്‍ ദുരിത ഭാതിതര്‍ക്ക് ഐക്യദാര്‍ഡ്യം പ്രഖ്യാപിച്ചതാണോ? എന്തായാലും വിഷയ പരിമിതിക്കുള്ളില്‍ നിന്ന് എഴുതിയ കവിതയല്ലേ താത്താക്ക് അഭിനന്ദനങ്ങള്‍ അറിയിക്കുക, ഒപ്പം ജീവിതത്തിന്റെ ലക്ഷ്യത്തെ കുറിച്ച് വ്യക്തമായ അവബോധം നല്‍കുന്ന ഒരു കവിതാ രചനക്കുള്ള ശ്രമവും പ്രതീക്ഷിക്കാമല്ലോ അല്ലേ ?

    ReplyDelete
  33. നസ്നി മോളുടെ കവിത കൊള്ളാം.. അതിനേക്കാളേറെ അനിയത്തിയുടെ Discription കൊള്ളാം. എടീ നേനേ നീ ഒരു ഇടിവെട്ട് സാധനമാണ് കേട്ടോ. എന്റെ ബ്ലോഗിൽ ഇനി കയറുന്നതൊക്കെ കൊള്ളാം, പക്ഷേ കവിതളെ കുറിച്ചൊക്കെ ഇമ്മാതീർ വല്ലതും പറഞ്ഞാലുണ്ടല്ലോ :-) ഞാൻ ചുന്നക്കുട്ടിയുടെ സെറ്റിൽ കൂടും എന്നിട്ട് നിന്നെ കോനേ എന്ന് വിളിക്കും.. :-) ഈ കവിതയെഴുതുന്നവർ ഒക്കെ നിന്നോട് എന്ത് തെറ്റ് ചെയ്തു? ഇനി ഉപ്പച്ചിയുടെയും ഉമ്മച്ചിയുടേയും കഥയും കവിതയുമൊന്നും നിന്നെ കാണിക്കരുതെന്ന് അവരോട് ഞാൻ പറഞ്ഞെന്ന് പ്രത്യേകം പറ. (ഇത് വരെ പറഞ്ഞതെല്ലാം തമാശയാണേ പോസ്റ്റ് കലക്കിയിട്ടുണ്ട്) മോൾ എന്തിനാണ് പോസ്റ്റ് റീഎഡിറ്റ് ചെയ്തത്? നസ്നിത്താത്ത വഴക്ക് കൂടാൻ വന്നിട്ടുണ്ടാകുമല്ലേ. സരല്യാട്ടോ, ഇനി ഇങ്ങിനത്തെ കുടുംബ കാര്യങ്ങൾ എഴുതുംബോൾ സൂക്ഷിക്കണട്ടോ. ( എന്റെ കമന്റിലെ ഈ വരി നസ്നിയെ കാണിക്കണ്ടാ)നസ്നിയോട് ഒരു ബ്ലോഗ് തുടങ്ങാൻ പറയൂന്നേ.. അവളുടെ കൂടുതൽ കവിതകൾ വായിക്കാൻ ഞങ്ങൾക്ക് ആഗ്രഹമുണ്ടെന്ന് പറയൂ. കാന്താരി മുളകിനും ഗുണ്ട് മുളകിനും ആശംസകൾ.

    ReplyDelete
  34. This comment has been removed by the author.

    ReplyDelete
  35. ആദ്യ കാല്‍വെയ്പ് മോശമായില്ല.

    ReplyDelete
  36. നെനയുടെ വിവരണം പൊട്ട1പൊട്ട! പൊട്ട!! (എന്താ മുഖം വീര്‍പ്പിക്കണേ ?)
    താത്ത യുടെ കവിത അടിപൊളി (ഇപ്പൊ മുഖം കുറച്ചു കൂടി വീര്‍ത്തോ ? )
    താത്ത ബ്ലോഗു തുടങ്ങു ..ഈ കുശുംപിയുടെ ബ്ലോഗു നമുക്ക് പൂട്ടിക്കാം ...


    രണ്ടും നന്നായി മോളെ :)

    ReplyDelete
  37. നന്നായിരിക്കുന്നു..ഉപ്പയുടെ പ്രോത്സാഹനം ഫലം ചെയ്യുന്നുണ്ട്.

    ReplyDelete
  38. ഏട്ടത്തിയുടെ കവിത നന്നായിരിക്കുന്നുവെങ്കിലും
    അനുജത്തിയുടെ കോമഡി തന്നെ കലക്കന്‍

    ReplyDelete
  39. എന്റമ്മോ ഒരു കവിത വിതച്ച പുലിവാൽ.. അല്ല്ലെ ഏതായാലും നന്നായിട്ടുണ്ട്. .. ഇനി ഒരു കാര്യം പറയട്ടെ ആ താത്തയുടെ എഴുത്ത് വളരെ ഭംഗിയുണ്ട്.. അവളോട് പറയണ്ടാട്ടോ അഹങ്കാരിയായാലോ...

    ReplyDelete
  40. adipoliya eniyum ezhuthan kazhiyatte deergaissum nalkatte {aaameeen}

    ReplyDelete
  41. എന്റെ വോട്ട് താത്തായ്ക്ക്

    ReplyDelete
  42. "നഹനാ സിധീക്കെ".., ഈ ബ്ലോഗിന്റെ മുതലാളി അല്ലാത്തവര്‍ക്ക്, കമ്മന്റ്സിനു മരുപടികൊടുക്കാന്‍ അനുമതി ഉണ്ടോ..? "അമീര്‍ഖാന്റെ" പോലെയുള്ള ചില കമ്മന്റ് ചോദ്യങ്ങള്‍ക്ക് ഉള്ള ഉത്തരങ്ങള്‍ ഞാന്‍ പറഞ്ഞോട്ടെ...? അതോ....

    ReplyDelete
  43. ആശംസകളോടെ

    ReplyDelete
  44. കവിതയെ അവതരിപ്പിച്ച രീതി വളരെയിഷ്ടപ്പെട്ടു.പുതിയ ചില വാക്കുകള്‍ അവതരിപ്പിച്ചതില്‍ കണ്ടുമുട്ടുന്ന നിഷ്കളങ്കത ഹൃദ്യം.കവിയിത്രിക്കും അവതാരകക്കും അഭിനന്ദനങ്ങള്‍ .

    ReplyDelete
  45. മാഷളിയനോട് ഒരുകാര്യം നേരത്തെ പറയാന്‍ വിട്ടു..ഇവിടെ കമന്റാന്‍ ആരുടേയും സമ്മതമൊന്നും വേണ്ടാട്ടോ..ഈ അമീര്‍ ഖാനെ നേരിട്ട് അറിയുന്നതാണോ? അല്ലെങ്കില്‍ പിന്നെ അതില്‍ വല്യകാര്യമൊന്നും ഇല്ലെന്നു കരുതിയാമതി

    ReplyDelete
  46. എന്റമ്മച്ചിയേ.. ഇതെന്തു കവിത!
    സ്വയം ജീവിതത്തെ ശപിക്കുന്നോ. കണ്ണൂരാന്‍ സമ്മതിക്കില്ല.
    ങ്ങാഹാ..

    ReplyDelete
  47. അതെന്നെ..പറഞ്ഞുകൊടുക്കെന്റെ കണ്ണൂരാന്‍ക്കാ..

    ReplyDelete
  48. നന്നായിട്ടുണ്ട്. ആശംസകള്‍....

    ReplyDelete
  49. കവിത കൊള്ളാം! കളറായിട്ട്ണ്ട് ട്ടാ!
    എന്നാലും ഇങ്ങനെ ശപിക്കണോ ?

    ഇത് വഴി വായോ : http://chemmaran.blogspot.com/

    ReplyDelete
  50. നേനകുട്ടി, മോളുന്റെ വിവരണവും നസ്മിതാത്താടെ കവിതയും കിടിലംട്ടോ...
    നസ്മിതാത്ത ബ്ലോഗ്‌ തുടങ്ങാതെ നോക്കുന്നതാ നെനക്കുട്ടിക്കു നല്ലതെന്ന് തോന്നുന്നു... :)

    ReplyDelete
  51. നന്നായിട്ടുണ്ട്. ആശംസകളോടെ....

    ReplyDelete
  52. അമ്പടാ, ഇച്ചിരി കുശുമ്പും പോരുമുണ്ടല്ലോ നേനക്കുട്ടിയ്ക്ക്.....കവിതയുടെ മുഖവുര വായിച്ചപ്പോ അത് പിടി കിട്ടി. ഒരു കുഞ്ഞിപ്പാവാന്നാ ഞാൻ വിചാരിച്ചത്.

    ഇനീം കവിത എഴുതാൻ പറയ് താത്തയോട്.....കേട്ടൊ പാറുക്കുട്ടി.

    ReplyDelete
  53. ബഹുത് ശുക്രിയാ..ലിപി ചേച്ചി..
    അനിലേട്ടാ..ഒരുപാട് സ്നേഹം ഉണ്ട്ട്ടോ
    എച്ചുമുചേച്ചീ ഞാന്‍ പാവം തന്നെയാണ്ട്ടോ ..എന്നെ കാണുമ്പോള്‍ മനസ്സിലാവും ..ഞാന്‍ എന്തായാലും ചേച്ചിയെ കാണാന്‍ വരും..

    ReplyDelete
  54. നല്ല കവിത..
    എങ്ങനെ നന്നാവാതിരിക്കും..
    നേനക്കുട്ടിയുടേതല്ലേ താത്ത..!
    ആശംസകളോടെ.

    ReplyDelete
  55. നെനക്കുട്ടീ, ഇനി സ്വന്തം കവിത എഴുതി പോസ്റ്റ്‌. എന്നിട്ട് താതാനെ തോല്‍പ്പിക്കു. വീണ്ടും വരാട്ടോ.

    ReplyDelete
  56. ഇവരൊക്കെ പറയുന്നത് കേട്ട് നീയെങ്ങാനും കവിത എഴുതിയാല്‍..! അന്ന് പൂട്ടും ഞാന്‍ നിന്റെ ഈ ബ്ലോഗും കോപ്പും ,പറഞ്ഞില്ലാന്നു വേണ്ട.

    ReplyDelete
  57. ഇവിടെ വന്നു നുള്ളിയും പിച്ചിയും ഉപദേശങ്ങളും നിര്‍ദേശങ്ങളും നല്‍കിയും അഭിപ്രായങ്ങള്‍ രേഖപ്പെടുത്തിയ എല്ലാ പ്രിയപ്പെട്ടവര്‍ക്കും എന്റെ സ്നേഹവും സന്തോഷവും ഇവിടെ കുറിക്കുന്നു...സ്വന്തമായി ഒരു കവിത എഴുതാമെന്ന് കരുതിയതാണ് പക്ഷെ ഒടുക്കത്തെ കമന്റു കണ്ടതോടെ ആ പൂതി മനസ്സില്‍ വെച്ച് പൂട്ടി..ബ്ലോഗില്ലാണ്ട് എന്തെഴുതീട്ടെന്താ? അല്ല പിന്നെ..

    ReplyDelete
  58. ഇത് കണ്ട്രാസത്തില്‍ കുണ്ട്രാസമാണ് മോളെ, നല്ല കവിത മേലില്‍ ആവര്‍ത്തിക്കരുതെന്ന് പറ ചേച്ചിയോട്, ഹിഹിഹി, കൊള്ളാം അഭിനന്ദനങ്ങള്‍

    ReplyDelete
  59. പങ്കായം നഷ്ടപ്പെട്ട വഞ്ചിയിൽ കാറ്റിന്റെ ഗതിയനുസരിച്ച് നീങ്ങിക്കോളൂ..

    ReplyDelete
  60. ഒരു കവിത എഴുതി പോസ്റ്റ് ചെയ്യുന്നത്, നേനക്കുട്ടിക്ക് അത്ര പ്രയാസമുള്ള കാര്യമൊന്നും അല്ല. മുന്നിൽ ചിപ്പി ഉണ്ടല്ലൊ, വായിക്കാൻ ഞാൻ തയ്യാർ,,,

    ReplyDelete
  61. kavitha kalakki edivettayittundu pakshe ethrayum kathy vekkano kavitha vayikkan

    ReplyDelete
  62. കവിത ഉഗ്രന്‍..
    മുഖവുര അത്യുഗ്രന്‍...
    എന്തേ ഇങ്ങനെ പറഞ്ഞാല്‍ പോരെ..

    ReplyDelete
  63. അബ്ദുലുക്കാ..അങ്ങനെതന്നെ..സന്തോഷം..
    മൊയ്ദീന്‍ക്കാ ..അക്കാര്യം താതാട് പറയാം..
    ഞാനൊന്ന് നോക്കട്ടെ മിനിയാന്റി.
    ബെവിന്ചെട്ടാ .എനിക്ക് പറയാനുള്ളത് പറഞ്ഞതാണ്.
    എക്സ് പ്രവാസിത്താ : അത് മതി അത്രേ വേണ്ടൂ.

    ReplyDelete
  64. കവിത വായിക്കുന്നത് അത്ര മോശം കാര്യമാണോ. അങ്ങിനെ തോന്നുന്നില്ല.
    ഈ കവിതയാണേല്‍ ഒരു പാവം. ഇനിയുമെഴുതാനാവട്ടെ.

    ReplyDelete
  65. നെനമോളെ,അഭിനന്ദനങ്ങള്‍.

    ReplyDelete
  66. ഒരില വെറുതെ പറഞ്ഞതാണ്...ഒരു കൊച്ചു ചിരി അത്രയൂള്ളൂ
    ഷാനവാസ്‌അങ്കിള്‍ : വളരെ സന്തോഷം സ്നേഹം.. മൂന്നു പോസ്റ്റിലെ അഭ്പ്രായങ്ങളും കണ്ടു..

    ReplyDelete
  67. നേന മോളെ എല്ലാം എല്ലാം ഒന്നിനൊന്ന് മിച്ചം
    ബഹുത്ത് ശുക്രിയാ
    അഭിനന്ദനം ,

    ReplyDelete
  68. നേനക്കുട്ടീ.....
    പലരും പറഞ്ഞു കേട്ടെങ്കിലും ഇവിടെ ആദ്യായിട്ടാ.....ഇനി കിടെ കിടെ വരാം...
    പെരുത്ത്‌ ഇഷ്ടായി..
    നന്നായിട്ട് എഴുതുക....
    കമന്റുകള്‍, ഫോളോവേഴ്സ് തുടങ്ങിയ ചതിക്കുഴിക്കളില്‍ വീഴാതിരിക്കാന്‍ പ്രത്യേകം ശ്രദ്ധിക്കണം ട്ടോ...
    എഴുത്താണ് മുഖ്യം....

    ReplyDelete
  69. ഈ കവിത സ്വന്തം പേരില്‍ ഇട്ടാല്‍ എന്താ ?
    ഇതൊന്നും ആരും ചെയ്യാത്ത കാര്യമാണോ !
    അതുകൊണ്ട് ഒരു പിച്ച് തരുന്നുന്നുണ്ട് ...

    ReplyDelete
  70. ശംസുക്കാ :ബഹുത് ശുക്രിയാ വീണ്ടും..
    മഹേഷേട്ടാ : ചതികളില്‍ പെടാതിരിക്കാന്‍ മാമിമാരും താതമാരുമൊക്കെ ശ്രദ്ധിക്കുന്നുണ്ട്.വളരെ സന്തോഷവും സ്നേഹവും അറിയിക്കട്ടെ.

    ReplyDelete
  71. പുഷ്പേട്ടാ: ചേട്ടന്‍റെ എല്ലാ അഭിപ്രായങ്ങളും ഞാന്‍ വായിക്കാറുണ്ട് ട്ടോ എനിക്ക് ഒരുപാട് സ്നേഹം മാത്രേ പകരം തരാനുള്ളൂ..കവിത താത്ത എഴുതിയത് തന്നെയാണ്..

    ReplyDelete
  72. ചിപ്പിക്കുള്ളിലെ മുത്തുകള്‍ ഓരോന്നും അറിഞ്ഞാസ്വദിപ്പിക്കാതെ കുഞ്ഞനുജത്തി വിട്ടില്ലല്ലോ...സൂപ്പര്‍....

    ReplyDelete
  73. പലപ്പോഴും വൈകിയാ ഞാനീ വഴി വരാറ്..അത് കൊണ്ട് തന്നെ മോള്‍ ഈ പരസരത്തുള്ള കമന്റുകളൊക്കെ വായിച്ചു പോയിക്കാണും...ഇനിയാരും ഒന്നും പറയില്ല എന്ന് കരുതി..

    എന്നാലും നമുക്ക് തോന്നിയ സന്തോഷം എന്നായാലും നമ്മള്‍ അറിയിക്കെണ്ടേ..എന്നെങ്കിലും മോള്‍ ഈ വഴി വന്നു വായിക്കുമല്ലോ..മോളുടെ എഴുത്ത് ഒരുപാടൊരുപാട് ഇഷ്ടമാവുന്നു...ഇഷ്ടത്തെക്കാള്‍ കൂടുതല്‍ ഒരു സുഖം..അതാ വായിക്കുമ്പോള്‍ തോന്നുന്നെ..വല്ല്യ വല്ല്യ എഴുത്തുകളുടെ കനമില്ലാ,കുഞ്ഞെഴുത്തുകളുടെ കുറവുകളില്ലാ...ലളിതം..സ്പഷ്ടം..സുഖം..അതാണ്‌ നേനാസ് സ്പെഷ്യല്‍..keep it up..ഞങ്ങളെ സന്തോഷിപ്പിച്ചു കൊണ്ടേ ഇരിക്കൂ..

    ReplyDelete
  74. This comment has been removed by the author.

    ReplyDelete

ഇതുവരെ വന്നിട്ട് മിണ്ടാതെ പോവല്ലേ ..എന്തെങ്കിലും ഒന്ന് തന്നിട്ട് പോ..
ഒരു നുള്ളോ,പിച്ചോ,അല്ലെങ്കിലൊരു നല്ല വാക്കോ..പ്ലീസ് ..

LinkWithin

Related Posts Plugin for WordPress, Blogger...