"എന്റെ പടച്ചോനെ ..എന്റെ ഈ ഒരു ആഗ്രഹം നീ നിറവേറ്റിതരണേ.."
മനസ്സ് നിറഞ്ഞ പ്രാര്ത്ഥനയോടെ സ്റ്റാര് സിംഗര് ജൂനിയര് പ്രോഗ്രാമിന്റെ ഓഡിഷന് ടെസ്റ്റ് റൌണ്ട് നടക്കുന്ന ഓഡിറ്റോറിയത്തിലേക്ക് വലതു കാല് വെച്ച് കയറുമ്പോള് കാലുകള്ക്ക് നേരിയ വിറയല് അനുഭവപ്പെടുന്നുണ്ടെന്നു എനിക്ക് തോന്നി , വേദിയില് ഇരിക്കുന്ന സുപ്രസിദ്ധ ഗായകര് വേണു ഗോപാലേട്ടന് , സുജാത ചേച്ചി , മാന്ത്രിക ലോകത്തെ വിസ്മയം മുതുകാട് അങ്കിള് തുടങ്ങിയ പ്രമുകരുടെ നീണ്ട നിരകൂടി കണ്ടപ്പോള് ചങ്കിടിപ്പിന്റെ സ്പീഡും മെച്ചപ്പെട്ടു ,
മത്സരത്തില് പങ്കെടുക്കാനെത്തിയ എന്റെ സമപ്രായക്കാരായ ആണ്കുട്ടികളും പെണ്കുട്ടികളും വ്യത്യസ്ഥ വേഷ ബൂഷാധികളോടെ അവിടെ പലയിടങ്ങളിലായി സ്ഥലം പിടിച്ചിരുന്നു . ആകെ മൊത്തത്തില് ഒരു അത്ഭുത ലോകം തന്നെയായായിരുന്നു.
രജിസ്ട്രേഷന് കൌണ്ടറിലേക്ക് അനിമാമിയുടെ കൂടെ നടക്കുമ്പോള് അവിടെ പാടാനുള്ള എന്റെ ഇഷ്ട ഗാനത്തിന്റെ ഈണം മനസ്സില് ഒരിക്കല് കൂടി മൂളാന് ഞാന് ശ്രമിച്ചെങ്കിലും ഉള്ളിലെ ടെന്ഷന് കാരണമാണെന്ന് തോന്നുന്നു എവിടെയൊക്കെയോ ഒരു കൊളുത്തിപ്പിടുത്തവും ഉടക്കും അനുഭവപ്പെട്ടു , എങ്കിലും ധൈര്യം വിടാതെ ഞാന് കടിച്ചു പിടിച്ചു തന്നെ നിന്നു , പേരും അഡ്രസ്സും മറ്റു വിവരങ്ങളും അവിടെ കൊടുത്തപ്പോള് അവര് തന്ന അറുപത്തി ഒമ്പത് എന്ന നമ്പര് എഴുതിയ ബാഡ്ജൂമായി ഞങ്ങള്ക്കുള്ള സീറ്റുകളില് ഞാനും മാമിയും സ്ഥാനം പിടിച്ചു , അനിമാമിക്ക് ഈ വക കാര്യങ്ങളിലൊക്കെ ഭയങ്കര എക്സ്പീരിയന്സ് ഉള്ളപോലെയാണ് അവിടുത്തെ ഇടപെടലുകള് കണ്ടപ്പോള് എനിക്ക് തോന്നിയത് , അഞ്ചെട്ടു കൊല്ലം മാറി മാറി മൂന്നുനാല് മിക്സഡ് കോളേജുകളില് വെട്ടി വിലസി നടന്ന പാര്ട്ടിയല്ലേ കുറച്ചു തൊലിക്കട്ടിയൊക്കെ കണ്ടില്ലെങ്കിലല്ലേ അത്ഭുതത്തിനു വകുപ്പുള്ളൂ , വെറുതെയല്ല എന്റെ തായ് കുലങ്ങള് സോപ്പടിച്ചു അനിമാമിയെതന്നെ ഈ ദൌത്യം ഏല്പ്പിച്ചതെന്നു എനിക്കപ്പോള് മനസ്സിലായി .
ഓഡിഷന് ആരംഭിക്കുകയും , ഓരോരുത്തരായി ജഡ്ജസിന് മുന്നില് തങ്ങളുടെ പരമാവധി കഴിവ് തെളിയിക്കുകയും ചെയ്തു കൊണ്ടിരുന്നു , എന്നെക്കാള് നന്നായി പാടിയെന്ന് എനിക്ക് തോന്നിയ കുട്ടികള് പോലും സെലക്ഷനാവാതെ പുറത്താവുന്നത് കണ്ടപ്പോള് വിറതുടങ്ങിയ എന്റെ കൈ തപ്പി തടഞ്ഞ് അറിയാതെ എത്തിപ്പെട്ടത് മാമീടെ മടിയില് ഇരുന്ന വെള്ളത്തിന്റെ ബോട്ടിലില്, അതെടുത്ത് മൂന്ന് നാല് കവിള് മട മടാന്നങ്ങു കുടിച്ചിട്ടും ഉള്ളിലെ തായമ്പക മേളം ഉച്ചസ്ഥായിലാവുന്നത് എനിക്ക് അറിയാന് കഴിഞ്ഞു, അറുപതു പേരുടെ ടെസ്റ്റ് കഴിഞ്ഞപ്പോള് പ്രോഗ്രാമിലേക്ക് ഇന് ആയത് വെറും പതിനാലെണ്ണം മാത്രം , അങ്ങിനെ തൊട്ടു മുന്നിലെ അറുപത്തിഎട്ടാം നമ്പറുകാരനും കൂടി ഔട്ട്ആയപ്പോള് എന്റെ സകല കണ്ട്രോളും ഒരുപ്പോക്ക്പോയി , സംഭരിച്ചു വെച്ചിരുന്ന ധൈര്യത്തിനു മുല്ലപ്പെരിയാര് അണകെട്ടിനേക്കാള് ചോര്ച്ച കൂടിയ പോലെയായി, മാമി എന്തൊക്കെയോ പറഞ്ഞു ആശ്വസിപ്പിക്കുന്നുണ്ടായിരുന്നെങ്കിലും ഞാന് അതൊന്നും കേട്ടില്ല , ചെവികളില് ഈയ്യം ഉരുക്കി ഒഴിച്ച പോലെയായിരുന്നു അവസ്ഥ.
പിന്നെ, യാന്ത്രികമായെന്നോണമാണ് ഞാന് എന്റെ ഊഴത്തിനൊത്ത് ജഡ്ജസിനു മുന്നിലെത്തിയതും ചോര്ന്നു പോകാതെ എവിടെയോ ബാക്കിനിന്ന ധൈര്യം മനസ്സിലേക്കാവാഹിച്ചെടുത്തു എന്റെ പ്രിയ ഗാനത്തിന്റെ വരികള് പാടിതീര്ത്തതും , 'നേന സിദ്ധീക്ക് സെലെക്റ്റ്ട്' സുജാത ചേച്ചിയുടെ ആ വാക്കുകള് തേന് കണങ്ങള് പോലെ എന്റെ കാതിലേക്ക് ഇറ്റിവീണപ്പോള് അതുവരെ അവിടെ കിടന്ന ഈയ്യം മഞ്ഞുതുള്ളി പോലെ അലിഞ്ഞു പോയി, ലോകം കീഴടക്കിയ സന്തോഷത്തിലായിരുന്നു ഞാന് , നേരത്തെ സെലെക്ഷന് കിട്ടിയിരുന്ന കീര്ത്തനയും യദുവും മനുവും പിന്നെ പേരറിയാത്ത കുറെ കുട്ടികളും എനിക്ക് അഭിനന്ദനങ്ങളുമായി എത്തി, ഞാന് ആഹ്ലാദത്തിന്റെ എവറസ്റ്റില് ആയിരുന്നു അപ്പോള് .
അങ്ങിനെ, നസ്രിയ താത്തയുടെ ആകര്ഷണീയമായ അനൌണ്സ്മെന്റ്കളും കൊച്ചു മിടുക്കികളുടെയും മിടുക്കന്മാരുടെയും കിടിലന് ഗാനോത്സവങ്ങളും ജഡ്ജസിന്റെ കറകളഞ്ഞ നിര്ദേശങ്ങളും അഭിപ്രായങ്ങളും പ്രേക്ഷക ലക്ഷങ്ങളുടെ പ്രോത്സാഹനങ്ങളുമായി വിജയകരമായ ഒന്നും രണ്ടും റൗണ്ടുകള് പിന്നിട്ടു മൂന്നാം റൗണ്ടില് ഞങ്ങള് എത്തിപ്പെട്ടപ്പോള് ...
എന്റെ ഓള്ഡ് ഇഷ്ടഗാന റൗണ്ടില് , നസ്രിയ താത്ത തന്റെ സ്വത സിദ്ധമായ ശൈലിയില് എന്നെ വേദിയിലേക്ക് ഹാര്ദ്ദയി സ്വാഗതം ചെയ്തു , നിയോണ് ലൈറ്റുകളാല് അലംകൃതമായ സ്റ്റേജിലേക്ക് കാണികളുടെ കൈതാളത്തിന്റെ അകമ്പടിയോടെ മന്ദം മന്ദം കടന്നുചെല്ലുമ്പോള് എന്റെ ബന്ധുക്കളും കൂട്ടുകാരും മ്യൂസിക് ടീച്ചറും മറ്റും ചിരിയോടെ ഓഡിയന്സിന്നിടയില് ഇരിക്കുന്നത് ഞാന് ഒളികണ്ണാല് കണ്ടു ..കൂട്ടത്തില് ഒരു മാലാഖയെ പോലെ അണിഞ്ഞൊരുങ്ങിയ ചുന്നക്കുട്ടിയുടെ ആഹ്ലാദം നിറഞ്ഞ ഭാവം എന്റെ കണ് കുളിര്പ്പിച്ചു.
"താമര കുമ്പിളല്ലോ മമഹൃദയം ..
അതില് താതാനീ സംഗീത മധു പകരൂ..
എങ്ങിനെ എടുക്കും ഞാന്,
എങ്ങിനെ ഒഴുക്കും ഞാന്,
എങ്ങിനെ നിന്നാജ്ഞ നിറവേറ്റും ...
ദേവാ ....ദേവാ ..ദേവാ ...
പല്ലവിയും അനുപല്ലവിയും പാടി നിറുത്തിയ ഞാന് മ്യൂസിക് വായിക്കുന്ന ചേട്ടന്മാരെയും എന്നെ നോക്കി പരസ്പരം എന്തോ കമ്മന്റ് പറയുന്ന ജഡ്ജസിനെയും പിന്നെ കാണികളെയും ഒന്നോടിച്ചു നോക്കി , അപ്പോഴാണ് ഓഡിയന്സിന്റെ മുന് നിരയില് ഇരുന്ന ചുന്നക്കുട്ടി ആംഗ്യ ഭാഷയില് എന്തോ എന്നോട് പറയാന് ശ്രമിക്കുന്നത് ഞാന് ശ്രദ്ധിച്ചത് , അപ്പോഴേക്കും മ്യുസിക്കിന്റെ ഭാഗം കഴിഞ്ഞു ചരണം പാടിതുടങ്ങാന് സമയം ആയിക്കഴിഞ്ഞിരുന്നു അത് കൊണ്ട് ചുന്നകുട്ടിയില് നിന്നും ഞാന് നോട്ടം പിന്വലിച്ചു , അതീവ ശ്രദ്ധയോടെ കയ്യിലിരുന്ന മൈക്ക് ഉയര്ത്താന് നോക്കുമ്പോള് എവിടെയോ ഉടക്കിയപോലെ, എങ്കിലും അല്പ്പം ബലം കൊടുത്തു ഞാന് മൈക്ക് മുഖത്തേക്ക് ഉയര്ത്തി പാട്ടിന്റെ വരികള് പാടാനായി ശ്രമിച്ചു ..പക്ഷെ , എന്താണ് കാരണമെന്നറിയില്ല ശബ്ദം തൊണ്ടയില് എവിടെയോ തടഞ്ഞത്പോലെ ഒരു തോന്നല് ...എങ്ങിനെ നോക്കിയിട്ടും എനിക്ക് ശബ്ധിക്കാനാവുന്നില്ല ...കീ ..കീ ..എന്നൊരു നേരിയ ശബ്ദം മാത്രമേ പുറത്തേക്ക് വരുന്നുള്ളൂ ...തൊണ്ടയില് തടസ്സം കൂടി വന്നപ്പോള് ഞാന് കഴുത്തില് തടവിനോക്കി , എന്തോ ഒന്ന് കയ്യില് തടഞ്ഞു , ഞാന് അതെടുത്ത് മാറ്റാന് ശ്രമിച്ചു , പക്ഷെ അതിന്റെ മുറുക്കം കൂടി വരികയായിരുന്നു ..
" നീ എന്റെ മുടിക്കെട്ടില് പിടിച്ചു വലിക്കും അല്ലെടീ കോന താത്ത...!"
ചുന്നക്കുട്ടിയുടെ ദേഷ്യത്തിലുള്ള ശബ്ദവും കൂടി കേട്ടപ്പോഴാണ് ഞാന് ഉറക്കത്തില് നിന്നും ഞെട്ടി ഉണര്ന്നു ചാടി എണീറ്റത്, നോക്കുമ്പോള് കണ്ണും മുഖവുമൊക്കെ ചുവപ്പിച്ചു എന്റെ തൊണ്ടക്ക് കുത്തിപ്പിടിച്ചു ഭദ്രകാളിയായി നില്ക്കുകയാണ് അവള്.
ഹോ! ..അത് വരെ കണ്ടതെല്ലാം വെറുമൊരു സ്വപ്നമായിരുന്നല്ലോ എന്നോര്ത്തപ്പോള് എനിക്ക് എന്തെന്നില്ലാത്ത കുണ്ഠിതം തോന്നി .ഒപ്പം വല്ലാത്ത നിരാശാബോധവും..
ഞാന് മൈക്ക് ആണെന്ന് കരുതി പിടുത്തമിട്ടത് അടുത്ത് കിടന്നുറങ്ങിയിരുന്ന ചുന്നക്കുട്ടിയുടെ മേലേക്ക് ഉയര്ത്തി കെട്ടിവെച്ച മുടിക്കെട്ടിലായിരുന്നെന്നും , അതില് പിടുത്തമിട്ടപ്പോള് മുതല് അവള് എന്നെ വിളിച്ചുണര്ത്താന് ശ്രമിക്കുകയായിരുന്നെന്നും സ്റ്റാര് സിംഗര് പട്ടം നേടാനുള്ള ബദ്ധപ്പാടിന്നിടയില് ഞാന് അതൊന്നും അറിയാതിരുന്നതിനാലാണ് അവള് തൊണ്ടക്ക് പിടുത്തമിട്ടതെന്നും മനസ്സിലായപ്പോള് ചെറുതായൊന്നു ചമ്മിയോ എന്നൊരു തോന്നല്..
സ്വപ്നം കാണുന്നതും , അതില് സന്തോഷിക്കുന്നതും നിരാശപ്പെടുന്നതും എല്ലാം സ്വാഭാവികം മാത്രം.. പക്ഷെ , പിറ്റേന്ന് ഇക്കാര്യം എന്റെ ഉപ്പാട് പറഞ്ഞപ്പോള് കിട്ടിയ മറുപടിയാണ് എന്നെ ഏറെ നിരാശയില് ആഴ്ത്തിയത് ..മൂപ്പര് കുമ്പ കുലുക്കി ചിരിച്ചു കൊണ്ട് പറയുകയാണ് " ആഹ .ആഹഹ..എത്ര സുന്ദരമായ നടക്കാത്ത സ്വപ്നം" എന്ന് , അത് കേട്ട് കുലുങ്ങി ചിരിക്കാന് ഉമ്മയും കൂടി, അത് കണ്ടപ്പോള് ഞാന് വാശിയോടെ തന്നെ അതിന്നു മറുപടി കൊടുത്തു " നിങ്ങള് നോക്കിക്കോ അതൊക്കെ നടക്കും..എനിക്കുറപ്പാ" അതിനും ഉടനെ ഉപ്പാടെ മറുപടി കിട്ടി "ആയിക്കോട്ടെ മോളൂ..നടക്കുന്നതൊക്കെ കൊള്ളാം പക്ഷെ , ആ പുതിയ ചെരുപ്പ് ഇട്ടോണ്ട് വേണ്ട , അത് കോസ്റ്റിലിയാണ്, അത് തേഞ്ഞുപോയാല് ശെരിയാവില്ല, അതിനായി ഉപ്പ സാധാ രണ്ടു ജോഡി ചെരുപ്പ് വാങ്ങിത്തരാം ട്ടോ ..."എന്ന്
അതൂടെ കേട്ടപ്പോള് എനിക്ക് മതിയായി, ഇവരെന്റെ കലാവാസനയെ പരിപോഷിപ്പിക്കുന്നതിനുള്ള വെള്ളവും വെളിച്ചവും നല്കുന്നത് പോയിട്ട് ഒരു നല്ല വാക്കുപോലും പറയാന് തയ്യാറാവാത്തിടത്തോളം ഈ കലാവൃക്ഷം വളര്ത്താന് ഒരു വഴിയും കാണുന്നില്ല , ഇനി ഇവിടെ നിന്നാല് ശെരിയാവില്ലെന്നു എനിക്ക് തോന്നി
"ഇങ്ങിനെയുണ്ടോ ഒരു തള്ളയും തന്തയും ! " തിരിഞ്ഞു നടക്കുമ്പോള് ഞാന് പിറു പിറുത്തത് അവര് കേട്ടോ എന്തോ! കേള്കാതിരിക്കുന്നതാണ് എന്ത് കൊണ്ടും നല്ലതെന്നു ഒന്നാലോചിച്ചപ്പോള് എനിക്ക് തോന്നി, കാരണം ഉള്ള കഞ്ഞിയില് പാറ്റവീഴരുതല്ലോ!
* എന്റെ സ്റ്റാര് സിംഗര് ഫോട്ടോ ഉണ്ടാക്കി തന്ന ഫസലുല്ക്കക്ക് ഒരു കൊട്ട നന്ദി .
മനസ്സ് നിറഞ്ഞ പ്രാര്ത്ഥനയോടെ സ്റ്റാര് സിംഗര് ജൂനിയര് പ്രോഗ്രാമിന്റെ ഓഡിഷന് ടെസ്റ്റ് റൌണ്ട് നടക്കുന്ന ഓഡിറ്റോറിയത്തിലേക്ക് വലതു കാല് വെച്ച് കയറുമ്പോള് കാലുകള്ക്ക് നേരിയ വിറയല് അനുഭവപ്പെടുന്നുണ്ടെന്നു എനിക്ക് തോന്നി , വേദിയില് ഇരിക്കുന്ന സുപ്രസിദ്ധ ഗായകര് വേണു ഗോപാലേട്ടന് , സുജാത ചേച്ചി , മാന്ത്രിക ലോകത്തെ വിസ്മയം മുതുകാട് അങ്കിള് തുടങ്ങിയ പ്രമുകരുടെ നീണ്ട നിരകൂടി കണ്ടപ്പോള് ചങ്കിടിപ്പിന്റെ സ്പീഡും മെച്ചപ്പെട്ടു ,
മത്സരത്തില് പങ്കെടുക്കാനെത്തിയ എന്റെ സമപ്രായക്കാരായ ആണ്കുട്ടികളും പെണ്കുട്ടികളും വ്യത്യസ്ഥ വേഷ ബൂഷാധികളോടെ അവിടെ പലയിടങ്ങളിലായി സ്ഥലം പിടിച്ചിരുന്നു . ആകെ മൊത്തത്തില് ഒരു അത്ഭുത ലോകം തന്നെയായായിരുന്നു.
രജിസ്ട്രേഷന് കൌണ്ടറിലേക്ക് അനിമാമിയുടെ കൂടെ നടക്കുമ്പോള് അവിടെ പാടാനുള്ള എന്റെ ഇഷ്ട ഗാനത്തിന്റെ ഈണം മനസ്സില് ഒരിക്കല് കൂടി മൂളാന് ഞാന് ശ്രമിച്ചെങ്കിലും ഉള്ളിലെ ടെന്ഷന് കാരണമാണെന്ന് തോന്നുന്നു എവിടെയൊക്കെയോ ഒരു കൊളുത്തിപ്പിടുത്തവും ഉടക്കും അനുഭവപ്പെട്ടു , എങ്കിലും ധൈര്യം വിടാതെ ഞാന് കടിച്ചു പിടിച്ചു തന്നെ നിന്നു , പേരും അഡ്രസ്സും മറ്റു വിവരങ്ങളും അവിടെ കൊടുത്തപ്പോള് അവര് തന്ന അറുപത്തി ഒമ്പത് എന്ന നമ്പര് എഴുതിയ ബാഡ്ജൂമായി ഞങ്ങള്ക്കുള്ള സീറ്റുകളില് ഞാനും മാമിയും സ്ഥാനം പിടിച്ചു , അനിമാമിക്ക് ഈ വക കാര്യങ്ങളിലൊക്കെ ഭയങ്കര എക്സ്പീരിയന്സ് ഉള്ളപോലെയാണ് അവിടുത്തെ ഇടപെടലുകള് കണ്ടപ്പോള് എനിക്ക് തോന്നിയത് , അഞ്ചെട്ടു കൊല്ലം മാറി മാറി മൂന്നുനാല് മിക്സഡ് കോളേജുകളില് വെട്ടി വിലസി നടന്ന പാര്ട്ടിയല്ലേ കുറച്ചു തൊലിക്കട്ടിയൊക്കെ കണ്ടില്ലെങ്കിലല്ലേ അത്ഭുതത്തിനു വകുപ്പുള്ളൂ , വെറുതെയല്ല എന്റെ തായ് കുലങ്ങള് സോപ്പടിച്ചു അനിമാമിയെതന്നെ ഈ ദൌത്യം ഏല്പ്പിച്ചതെന്നു എനിക്കപ്പോള് മനസ്സിലായി .
ഓഡിഷന് ആരംഭിക്കുകയും , ഓരോരുത്തരായി ജഡ്ജസിന് മുന്നില് തങ്ങളുടെ പരമാവധി കഴിവ് തെളിയിക്കുകയും ചെയ്തു കൊണ്ടിരുന്നു , എന്നെക്കാള് നന്നായി പാടിയെന്ന് എനിക്ക് തോന്നിയ കുട്ടികള് പോലും സെലക്ഷനാവാതെ പുറത്താവുന്നത് കണ്ടപ്പോള് വിറതുടങ്ങിയ എന്റെ കൈ തപ്പി തടഞ്ഞ് അറിയാതെ എത്തിപ്പെട്ടത് മാമീടെ മടിയില് ഇരുന്ന വെള്ളത്തിന്റെ ബോട്ടിലില്, അതെടുത്ത് മൂന്ന് നാല് കവിള് മട മടാന്നങ്ങു കുടിച്ചിട്ടും ഉള്ളിലെ തായമ്പക മേളം ഉച്ചസ്ഥായിലാവുന്നത് എനിക്ക് അറിയാന് കഴിഞ്ഞു, അറുപതു പേരുടെ ടെസ്റ്റ് കഴിഞ്ഞപ്പോള് പ്രോഗ്രാമിലേക്ക് ഇന് ആയത് വെറും പതിനാലെണ്ണം മാത്രം , അങ്ങിനെ തൊട്ടു മുന്നിലെ അറുപത്തിഎട്ടാം നമ്പറുകാരനും കൂടി ഔട്ട്ആയപ്പോള് എന്റെ സകല കണ്ട്രോളും ഒരുപ്പോക്ക്പോയി , സംഭരിച്ചു വെച്ചിരുന്ന ധൈര്യത്തിനു മുല്ലപ്പെരിയാര് അണകെട്ടിനേക്കാള് ചോര്ച്ച കൂടിയ പോലെയായി, മാമി എന്തൊക്കെയോ പറഞ്ഞു ആശ്വസിപ്പിക്കുന്നുണ്ടായിരുന്നെങ്കിലും ഞാന് അതൊന്നും കേട്ടില്ല , ചെവികളില് ഈയ്യം ഉരുക്കി ഒഴിച്ച പോലെയായിരുന്നു അവസ്ഥ.
പിന്നെ, യാന്ത്രികമായെന്നോണമാണ് ഞാന് എന്റെ ഊഴത്തിനൊത്ത് ജഡ്ജസിനു മുന്നിലെത്തിയതും ചോര്ന്നു പോകാതെ എവിടെയോ ബാക്കിനിന്ന ധൈര്യം മനസ്സിലേക്കാവാഹിച്ചെടുത്തു എന്റെ പ്രിയ ഗാനത്തിന്റെ വരികള് പാടിതീര്ത്തതും , 'നേന സിദ്ധീക്ക് സെലെക്റ്റ്ട്' സുജാത ചേച്ചിയുടെ ആ വാക്കുകള് തേന് കണങ്ങള് പോലെ എന്റെ കാതിലേക്ക് ഇറ്റിവീണപ്പോള് അതുവരെ അവിടെ കിടന്ന ഈയ്യം മഞ്ഞുതുള്ളി പോലെ അലിഞ്ഞു പോയി, ലോകം കീഴടക്കിയ സന്തോഷത്തിലായിരുന്നു ഞാന് , നേരത്തെ സെലെക്ഷന് കിട്ടിയിരുന്ന കീര്ത്തനയും യദുവും മനുവും പിന്നെ പേരറിയാത്ത കുറെ കുട്ടികളും എനിക്ക് അഭിനന്ദനങ്ങളുമായി എത്തി, ഞാന് ആഹ്ലാദത്തിന്റെ എവറസ്റ്റില് ആയിരുന്നു അപ്പോള് .
അങ്ങിനെ, നസ്രിയ താത്തയുടെ ആകര്ഷണീയമായ അനൌണ്സ്മെന്റ്കളും കൊച്ചു മിടുക്കികളുടെയും മിടുക്കന്മാരുടെയും കിടിലന് ഗാനോത്സവങ്ങളും ജഡ്ജസിന്റെ കറകളഞ്ഞ നിര്ദേശങ്ങളും അഭിപ്രായങ്ങളും പ്രേക്ഷക ലക്ഷങ്ങളുടെ പ്രോത്സാഹനങ്ങളുമായി വിജയകരമായ ഒന്നും രണ്ടും റൗണ്ടുകള് പിന്നിട്ടു മൂന്നാം റൗണ്ടില് ഞങ്ങള് എത്തിപ്പെട്ടപ്പോള് ...
എന്റെ ഓള്ഡ് ഇഷ്ടഗാന റൗണ്ടില് , നസ്രിയ താത്ത തന്റെ സ്വത സിദ്ധമായ ശൈലിയില് എന്നെ വേദിയിലേക്ക് ഹാര്ദ്ദയി സ്വാഗതം ചെയ്തു , നിയോണ് ലൈറ്റുകളാല് അലംകൃതമായ സ്റ്റേജിലേക്ക് കാണികളുടെ കൈതാളത്തിന്റെ അകമ്പടിയോടെ മന്ദം മന്ദം കടന്നുചെല്ലുമ്പോള് എന്റെ ബന്ധുക്കളും കൂട്ടുകാരും മ്യൂസിക് ടീച്ചറും മറ്റും ചിരിയോടെ ഓഡിയന്സിന്നിടയില് ഇരിക്കുന്നത് ഞാന് ഒളികണ്ണാല് കണ്ടു ..കൂട്ടത്തില് ഒരു മാലാഖയെ പോലെ അണിഞ്ഞൊരുങ്ങിയ ചുന്നക്കുട്ടിയുടെ ആഹ്ലാദം നിറഞ്ഞ ഭാവം എന്റെ കണ് കുളിര്പ്പിച്ചു.
"താമര കുമ്പിളല്ലോ മമഹൃദയം ..
അതില് താതാനീ സംഗീത മധു പകരൂ..
എങ്ങിനെ എടുക്കും ഞാന്,
എങ്ങിനെ ഒഴുക്കും ഞാന്,
എങ്ങിനെ നിന്നാജ്ഞ നിറവേറ്റും ...
ദേവാ ....ദേവാ ..ദേവാ ...
പല്ലവിയും അനുപല്ലവിയും പാടി നിറുത്തിയ ഞാന് മ്യൂസിക് വായിക്കുന്ന ചേട്ടന്മാരെയും എന്നെ നോക്കി പരസ്പരം എന്തോ കമ്മന്റ് പറയുന്ന ജഡ്ജസിനെയും പിന്നെ കാണികളെയും ഒന്നോടിച്ചു നോക്കി , അപ്പോഴാണ് ഓഡിയന്സിന്റെ മുന് നിരയില് ഇരുന്ന ചുന്നക്കുട്ടി ആംഗ്യ ഭാഷയില് എന്തോ എന്നോട് പറയാന് ശ്രമിക്കുന്നത് ഞാന് ശ്രദ്ധിച്ചത് , അപ്പോഴേക്കും മ്യുസിക്കിന്റെ ഭാഗം കഴിഞ്ഞു ചരണം പാടിതുടങ്ങാന് സമയം ആയിക്കഴിഞ്ഞിരുന്നു അത് കൊണ്ട് ചുന്നകുട്ടിയില് നിന്നും ഞാന് നോട്ടം പിന്വലിച്ചു , അതീവ ശ്രദ്ധയോടെ കയ്യിലിരുന്ന മൈക്ക് ഉയര്ത്താന് നോക്കുമ്പോള് എവിടെയോ ഉടക്കിയപോലെ, എങ്കിലും അല്പ്പം ബലം കൊടുത്തു ഞാന് മൈക്ക് മുഖത്തേക്ക് ഉയര്ത്തി പാട്ടിന്റെ വരികള് പാടാനായി ശ്രമിച്ചു ..പക്ഷെ , എന്താണ് കാരണമെന്നറിയില്ല ശബ്ദം തൊണ്ടയില് എവിടെയോ തടഞ്ഞത്പോലെ ഒരു തോന്നല് ...എങ്ങിനെ നോക്കിയിട്ടും എനിക്ക് ശബ്ധിക്കാനാവുന്നില്ല ...കീ ..കീ ..എന്നൊരു നേരിയ ശബ്ദം മാത്രമേ പുറത്തേക്ക് വരുന്നുള്ളൂ ...തൊണ്ടയില് തടസ്സം കൂടി വന്നപ്പോള് ഞാന് കഴുത്തില് തടവിനോക്കി , എന്തോ ഒന്ന് കയ്യില് തടഞ്ഞു , ഞാന് അതെടുത്ത് മാറ്റാന് ശ്രമിച്ചു , പക്ഷെ അതിന്റെ മുറുക്കം കൂടി വരികയായിരുന്നു ..
" നീ എന്റെ മുടിക്കെട്ടില് പിടിച്ചു വലിക്കും അല്ലെടീ കോന താത്ത...!"
ചുന്നക്കുട്ടിയുടെ ദേഷ്യത്തിലുള്ള ശബ്ദവും കൂടി കേട്ടപ്പോഴാണ് ഞാന് ഉറക്കത്തില് നിന്നും ഞെട്ടി ഉണര്ന്നു ചാടി എണീറ്റത്, നോക്കുമ്പോള് കണ്ണും മുഖവുമൊക്കെ ചുവപ്പിച്ചു എന്റെ തൊണ്ടക്ക് കുത്തിപ്പിടിച്ചു ഭദ്രകാളിയായി നില്ക്കുകയാണ് അവള്.
ഹോ! ..അത് വരെ കണ്ടതെല്ലാം വെറുമൊരു സ്വപ്നമായിരുന്നല്ലോ എന്നോര്ത്തപ്പോള് എനിക്ക് എന്തെന്നില്ലാത്ത കുണ്ഠിതം തോന്നി .ഒപ്പം വല്ലാത്ത നിരാശാബോധവും..
ഞാന് മൈക്ക് ആണെന്ന് കരുതി പിടുത്തമിട്ടത് അടുത്ത് കിടന്നുറങ്ങിയിരുന്ന ചുന്നക്കുട്ടിയുടെ മേലേക്ക് ഉയര്ത്തി കെട്ടിവെച്ച മുടിക്കെട്ടിലായിരുന്നെന്നും , അതില് പിടുത്തമിട്ടപ്പോള് മുതല് അവള് എന്നെ വിളിച്ചുണര്ത്താന് ശ്രമിക്കുകയായിരുന്നെന്നും സ്റ്റാര് സിംഗര് പട്ടം നേടാനുള്ള ബദ്ധപ്പാടിന്നിടയില് ഞാന് അതൊന്നും അറിയാതിരുന്നതിനാലാണ് അവള് തൊണ്ടക്ക് പിടുത്തമിട്ടതെന്നും മനസ്സിലായപ്പോള് ചെറുതായൊന്നു ചമ്മിയോ എന്നൊരു തോന്നല്..
സ്വപ്നം കാണുന്നതും , അതില് സന്തോഷിക്കുന്നതും നിരാശപ്പെടുന്നതും എല്ലാം സ്വാഭാവികം മാത്രം.. പക്ഷെ , പിറ്റേന്ന് ഇക്കാര്യം എന്റെ ഉപ്പാട് പറഞ്ഞപ്പോള് കിട്ടിയ മറുപടിയാണ് എന്നെ ഏറെ നിരാശയില് ആഴ്ത്തിയത് ..മൂപ്പര് കുമ്പ കുലുക്കി ചിരിച്ചു കൊണ്ട് പറയുകയാണ് " ആഹ .ആഹഹ..എത്ര സുന്ദരമായ നടക്കാത്ത സ്വപ്നം" എന്ന് , അത് കേട്ട് കുലുങ്ങി ചിരിക്കാന് ഉമ്മയും കൂടി, അത് കണ്ടപ്പോള് ഞാന് വാശിയോടെ തന്നെ അതിന്നു മറുപടി കൊടുത്തു " നിങ്ങള് നോക്കിക്കോ അതൊക്കെ നടക്കും..എനിക്കുറപ്പാ" അതിനും ഉടനെ ഉപ്പാടെ മറുപടി കിട്ടി "ആയിക്കോട്ടെ മോളൂ..നടക്കുന്നതൊക്കെ കൊള്ളാം പക്ഷെ , ആ പുതിയ ചെരുപ്പ് ഇട്ടോണ്ട് വേണ്ട , അത് കോസ്റ്റിലിയാണ്, അത് തേഞ്ഞുപോയാല് ശെരിയാവില്ല, അതിനായി ഉപ്പ സാധാ രണ്ടു ജോഡി ചെരുപ്പ് വാങ്ങിത്തരാം ട്ടോ ..."എന്ന്
അതൂടെ കേട്ടപ്പോള് എനിക്ക് മതിയായി, ഇവരെന്റെ കലാവാസനയെ പരിപോഷിപ്പിക്കുന്നതിനുള്ള വെള്ളവും വെളിച്ചവും നല്കുന്നത് പോയിട്ട് ഒരു നല്ല വാക്കുപോലും പറയാന് തയ്യാറാവാത്തിടത്തോളം ഈ കലാവൃക്ഷം വളര്ത്താന് ഒരു വഴിയും കാണുന്നില്ല , ഇനി ഇവിടെ നിന്നാല് ശെരിയാവില്ലെന്നു എനിക്ക് തോന്നി
"ഇങ്ങിനെയുണ്ടോ ഒരു തള്ളയും തന്തയും ! " തിരിഞ്ഞു നടക്കുമ്പോള് ഞാന് പിറു പിറുത്തത് അവര് കേട്ടോ എന്തോ! കേള്കാതിരിക്കുന്നതാണ് എന്ത് കൊണ്ടും നല്ലതെന്നു ഒന്നാലോചിച്ചപ്പോള് എനിക്ക് തോന്നി, കാരണം ഉള്ള കഞ്ഞിയില് പാറ്റവീഴരുതല്ലോ!
* എന്റെ സ്റ്റാര് സിംഗര് ഫോട്ടോ ഉണ്ടാക്കി തന്ന ഫസലുല്ക്കക്ക് ഒരു കൊട്ട നന്ദി .
എന്റെ പ്രിയപ്പെട്ട നേനക്കുട്ടീ, സത്യത്തില് നിന്റെ മുന്പത്തെ പോസ്റ്റിനുള്ള കമന്റിനു എന്റെ ഒരാഗ്രഹം പറഞ്ഞപ്പം നീ നെക്സ്റ്റ് പോസ്റ്റ് എന്നെകൊണ്ട് തന്നെ കമന്റ് ഉത്ഘാടിക്കുമെന്നു ഞാന് സ്വപ്നത്തില് പോലും കരുതിയില്ല, സത്യം നിന്റെ മൈല് കിട്ടിയപ്പം ശ്ശോ... എനിക്കു ബയങ്കര സന്തോഷം, എന്തയാലും ഞാന് വേഗം കമന്റട്ടേ,, കുറച്ചേവായിച്ചുള്ളു,, എന്നിട്ടു വേണം മുഴുവന് വായിക്കാന്...
ReplyDeleteഹുയ്യോ ഹുയ്യോ,,, എനിക്കു വയ്യെന്റെ നേനക്കുട്ടീ, ഞാനിപ്പം ചിരിച്ച് ചാവും, അടിപൊളി. തുടക്കത്തില് വായിച്ചപ്പം ഞാന് കരുതി. റബ്ബേ ഇനിയിപ്പം നേനക്കുട്ടിക്ക് sms അയകാന് കാശു കണ്ടെത്തേണ്ടി വരുമല്ലോ, എങ്കി നിനക്ക് ഫോണ് വിളിച്ച് പാട്ടു പാടിച്ച് ആ കാശു മുതലാക്കാം എന്നൊക്കെ, എന്നാലും നീ ചുന്നക്കുട്ടിയെ ത്തന്നെ കയറി മൈക് ആക്കാന് നോക്കിയല്ലോ, ആകെ മൊത്തം സൂപര് പോസ്റ്റ്
ReplyDeleteഹാഹഹഹ ചിരിച്ചു ഒരു പാട്
ReplyDeleteആശംഷകള് ഒരുകുട്ട നിറയെ
ചിരിച്ച് ചിരിച്ച് മതിയായി നേനക്കുട്ടീ.. നിന്നെ ഫേസ്ബുക്കിലെ ബ്ളോഗേഴ്സ് ചാറ്റിലൊന്നും കണ്ടില്ലാലോ. ഞാൻ നിന്നെ കുറിച്ച് പ്രത്യേകം പറഞ്ഞിട്ടുണ്ട് ട്ടോ.... നടക്കാത്ത സ്വപ്നത്തിനു ചെരിപ്പ് വാങ്ങിത്തരണ്ടാ ന്നു പറ ഉപ്പാനോട്... നേനക്കുട്ടിക്കും വരും ഒരു ദിവസം.... പോസ്റ്റ് കലക്കി
ReplyDeleteഎന്റെമ്മാ ............
ReplyDeleteഈ പെണ്ണ് മനുഷ്യനെ ചിരിപ്പിച്ചു കൊല്ലും
സത്യത്തില് ഇതിന്റെ ആദ്യ ഭാഗം വായിച്ച ഞാന് എന്റെ മൊബൈലില് മെസ്സേജ് സെറ്റ് ചെയ്യാന് ആരംഭിച്ചിരുന്നു
iss nahana
എന്തായാലും പോസ്റ്റ് കലക്കി . കലക്കീന്നു പറഞ്ഞാല് പോര കല കലക്കി , അടിപൊളി
ഇപ്പൊതാ വന്നിരിക്കുന്നു ഒരുതട്ടിപ്പുമായി!
ReplyDeleteതുടക്കത്തിലെ തോന്നി ഒരു സ്വപ്നമാകാനെ വഴിയൊള്ളുന്ന്.
നന്നായി എഴുതീട്ടോ....
നല്ല ഇഷ്ടായി.........
എല്ലാ അഭിനന്ദനങ്ങളും അറീക്കുന്നു
മോളുടെ എഴുത്തില് പ്രകടമായ മാറ്റം കാണുന്നു. സന്തോഷം..!!
ReplyDeleteപ്രതീക്ഷ അത് തന്നയാണ് ജീവിതത്തെ എളുപ്പമാക്കുന്നത്.
പ്രതീക്ഷയെ കൂട് തുറന്നു വിടുക. അവ, സ്വപനത്തേരിലേറി നഭസ്സില് മുത്തമിടട്ടെ..!!
മോളുടെ ഉപ്പയോടും ഉമ്മയോടും എനിക്ക് നല്ല ദേഷ്യമാ... { അല്ല പിന്നെ, എത്താപ്പോ ഓലെ കഥ, ഞമ്മക്കെത്താ ഇത് പറ്റൂലെ.. ഓല് ബല്യ കൊമ്പത്തെ ആള്ക്കാര്... മാണ്ട ഓല്ക്ക് ആ...}
"മക്കളുടെ താത്പര്യങ്ങളെ കണിശമായും പരിഗണിക്കണം"
ഉപ്പായോടും ഉമ്മച്ചിയോടും ഇക്ക പറഞ്ഞതായി അറിയിക്കണം. അനിയത്തി കുട്ടിയോട് ഇക്കാടെ 'സ്നേഹ സലാം' അറിയിച്ചേക്കണം.
{ വപ്പചിയും മോളുമൊക്കെ ഖത്തറില് ആണെന്നറിഞ്ഞു. ഞാനുമതെ..!!}
കൊള്ളാം കൊള്ളാം ഇപ്പോള് നിങ്ങള് എല്ലാരും തട്ടിപ്പുമായി ഇറങ്ങിയിരുക്കുകയാണ് അല്ലെ ...
ReplyDeleteഉപ്പയോടു പോകാൻ പറ മോളൂ. സ്വപ്നം ചിലർക്കു ചിലകാലമൊത്തിടും. അമിതാബച്ചന്റെ ശബ്ദം ഇന്ത്യൻ റേഡിയോ ‘കൊള്ളില്ല / വേണ്ടെന്നു‘ പറഞ്ഞതല്ലേ. ഇപ്പൊഴോ. യേശുദാസിനെ ആദ്യം ആരും അംഗീകരിച്ചിട്ടില്ലല്ലോ. ആകാശം സ്വപ്നം കാണൂ. മലമുകളിലെങ്കിലും എത്താതിരിക്കില്ല.
ReplyDeleteഎന്നാലും നേന ഒരു സ്വപ്നം കൊണ്ട് പറ്റിച്ചു കളഞ്ഞല്ലോ..മോളെ..
ReplyDeleteപോസ്റ്റ് വായിച്ചു കഴിഞ്ഞാല് ഉടന് യുട്യുബില് പോയി നേനയുടെ പാട്ട് തെരയണം എന്നുരപ്പിച്ചിരിക്കയായിരുന്നു,,
എന്തായാലും നേന ഈ പറ്റിക്കലിനൊരു പരിഹാരം ചെയ്യണം.
ഒരു പാട്ട് പാടി പോസ്റ്റണം ,മാര്ക്കൊക്കെ ഞങ്ങളെല്ലാരും കൂടെ തരംപോലെ ഇട്ടു തരാം..
This comment has been removed by the author.
ReplyDeleteതായ് കുലങ്ങളുടെ സോപ്പിടല് പോലുള്ള പ്രയോഗങ്ങള് നല്ല നിലവാരം പുലര്ത്തി. നേനക്കുട്ടിയെക്കാള് വലിയ എഴുത്തായി അനുഭവപ്പെട്ടു. ശരിക്കും മഞ്ചു സ്റാര് സിംഗറിന്റെ അടുക്കളയിലോക്കെ കയറി ഇറങ്ങിയതായി വായിക്കുമ്പോള് തോന്നിയിരുന്നു. മാമിയെപ്പോലുള്ള ഒരാളെ രക്ഷിതാവായി കൂടെ അയക്കുന്ന ആ ഭാവനയോക്കെ വളരെ നന്നായിട്ടുണ്ട്.
ReplyDeleteഅഭിനന്ദനങ്ങള്.
നേനകുട്ടീ കൊള്ളാം നന്നായിട്ടുണ്ടു....
ReplyDeleteസ്വപ്നം കാണല് തുടര്ന്നോളൂ ... അബ്ദുള് കലാം ജി പറഞ്ഞിട്ടില്ലേ സ്വപ്നം കണ്ട് വളരാന് .
ReplyDeleteഞാന് ശരിക്കും കരുതി പാട്ട് പാടാന് പോയീന്നു!
ReplyDeleteഎന്ത് രസമുള്ള എഴുത്താ ഇത്..
അത്യഗ്രന് അത്യഗ്രന്!
ഇനിയും ഇനിയും എഴുതൂ..
ഞാനെന്റെ ടീവി ഓൺ ചെയ്തു,,,
ReplyDeleteഇതിനു ഞാന് കംമെന്ടാതെ പോയി കഴിഞ്ഞാല്.. . എനിക്കിന്ന് ഉറക്കം കിട്ടില്ല..
ReplyDeleteവളരെ നന്നായി,,, ഈ പ്രോഗ്രാം കൂടുതല് കാണാത്തതിനാല്.. ഞാന് നേന കുട്ടി ഉണ്ടെന്നു തന്നെയാണ് വിചാരിച്ചത്,
എന്നെ പോലെയുള്ള , ചെറിയ വായന ഇഷ്ടപെടുന്നവര്ക്ക്.. അടിപൊളി !!!
സ്വപ്നം കാണൽ തുടരുക...സ്വപ്നങ്ങളാണ് എത്തിപ്പിടിക്കാൻപ്രേരണ!
ReplyDeleteനേനക്കുട്ടിയുടെ ഭാവന സ്വപ്നങ്ങളുടെ ചിറകിലേറി മാനംമുട്ടെ പറക്കട്ടെ...
സമ്മതിച്ചു നെന ക്കുട്ടീനെ.....
ReplyDeleteബാപ്പചിക്കും ഉമ്മചിക്കും കാണിച്ചു കൊടുക്കണം ആരുടെ ചെരുപ്പാ തേയുക എന്ന്.
മോളെ പിന്നാലെ സിന്ഗിംഗ് പ്രോഗ്രമ്മിനോക്കെ കൂട്ട് വരീപ്പിച്ചു അവരുടെ ചെരുപ്പ് നമുക്ക് തേയിപ്പിക്കണം.
മോള്ടെ എല്ലാ ആഗ്രഹങ്ങളും പൂവണിയട്ടെ.
ബ്ലോഗ് താല്പ്പര്യത്തോടെ വായിക്കാറുണ്ട് ..
ReplyDeleteഒരു പന്ത്രണ്ടു വയസ്സുകാരിയുടെ കുറുമ്പും സ്വപ്നങ്ങളും പ്രകടമായി പ്രതിഫലിക്കുന്നു .
അവതരണ രീതി ആകര്ഷകമാണ് ....
വായിച്ചാല് ആരും ഇഷ്ടപ്പെട്ടു പോകുന്ന വരികള്
.. വെറുതെ കമന്റ് ചെയ്യാന് പറയുന്നതല്ല ..
സിദ്ധീക്ക് തൊഴിയൂര് എന്ന ബാപ്പാന്റെ മോള് തന്നെ ..
സരസത പകര്ന്നു കിട്ടിയിരിക്കുന്നു ..
മോള്ക്ക് ഒരു ചാറ്റ് ഷോയില് പങ്കെടുക്കുവാനുള്ള അവസരമുണ്ട്
...നമ്മുടെ " മലയാളം ബ്ലോഗേഴ്സ് " ഗ്രൂപ്പിലെ "ബ്ലോഗേഴ്സ് ചാറ്റില്"
. ഗ്രൂപ്പ് അംഗങ്ങളുടെ ചോദ്യങ്ങള്ക്ക് മറുപടി പറയണം .
മൂന്നു ദിവസം സമയം ഉണ്ട് എപ്പോഴാണ് സമയം കിട്ടുക എന്ന് 'ആചാര്യനെ ' അറിയിക്കുക .
ഉപ്പയുടെ അനുവാദം പ്രത്യേകം ചോദിക്കണേ ..
തുടക്കം മുതലേ ഇതൊരു സ്വപ്നമായിരിക്കുമെന്നു ഫീല് ചെയ്തിരുന്നു...
ReplyDeleteഇനിയും സ്വപ്നം കാണുക.പക്ഷെ അത് ചുന്നക്കുട്ടിയുടെ മുടികുത്തിനു പിടിച്ചിട്ടാകരുതെന്നു മാത്രം...നന്നായി എഴുതി...
ആ വഴി കാണാറേയില്ലല്ലോ...?
നെനകുട്ടി, എനിക്കിത് വായിച്ചു തുടങ്ങിയപ്പോള് നല്ല സങ്കടം തോന്നി. മൂന്നാം റൌണ്ടിലെത്തിയിട്ടും ഞാന് ഇതൊന്നും കാണാതെ പോയല്ലോ.. ഫോട്ടോ കൂടി കണ്ടപ്പോള് ശരിക്കും ഞാന് കുടുങ്ങി. അവസാനമാ എന്റെ ചങ്കിടിപ്പ് നിന്നത്. പിന്നെ ഉപ്പാനോടും, ഉമ്മാനോടും സ്വപ്നം സത്യമാണെന്ന് കാണിച്ചുകൊടുക്കാട്ടോ...
ReplyDeleteനേനക്കുട്ടീടെ, ഈ 'പാട്ട്' എനിക്ക് ശരിക്കും രസിച്ചു. എന്റെ SMS പിടിച്ചോ.. ഒരുപാടിഷ്ട്ടത്തോടെ ഒരുപാട് ഒരുപാട് ആശംസകള്..
നേനക്കുട്ടീടെ, ബ്ലോഗും നെനകുട്ടിയെ പോലെ അടിപൊളിയാട്ടോ
ReplyDeleteഫോട്ടോ കണ്ടപ്പോള് തന്നെ ക്ലിക്കായി ഫോട്ടോഷോപ്പ് ആണെന്ന് എന്നാലും എഴുത്തിലുടെ അവിടെ വായനക്കാരെ എത്തിച്ചു നല്ല എഴുത്ത്
ReplyDeleteനല്ല സ്വപ്നം , നല്ല ബ്ലോഗ് , നല്ല ഉപ്പാ --എല്ലാം നന്നായിട്ടുണ്ട്
ReplyDeletesathyamayittum TV vechu nokkan povaairunnu.
ReplyDeleteappo swapnam aayirunnuvalle?
athey ezhuth gambheeramaavunnund. angane midukkiyaayi varoo.
enthaayaalum swapnam kalakkeetou...
ReplyDeleteകൊള്ളാം നേനാ. നർമ്മം നന്നായി കൈകാര്യം ചെയ്യുന്നുണ്ട്. ഒരു റിയൽ സ്റ്റാർ സിങ്ങർ തന്നെ ആകുന്ന കാര്യം അങ്ങ് നടപ്പാക്കുകയല്ലേ ?
ReplyDeletekollallodee vampathee.....
ReplyDeleteninte bhavanakku manoharamaya chiraku mulakkunnallo.......
abhinandhanangal........
ഒരൊന്നൊന്നര സ്വപ്നമായിപ്പോയല്ലോ പുള്ളേ..
ReplyDeleteഇഞ്ഞും ഇഞ്ഞും ഇമ്മാതിരി കിനാവുകള്
കാണാന് കഴിയട്ടെട്ടോ..
ഇക്കാന്റെ സ്വപ്നാശംസകള്.
നന്നായിരിക്കുന്നു നേനാ.
ReplyDeleteഅഭിനന്ദനങ്ങള്.
ഹഹഹ... പറ്റിച്ചു.
ReplyDeleteബസ്സില് ഫോട്ടോസ് മാത്രം കണ്ടപ്പോള് ഞാന് ഓഫീസിലെ കൂട്ടുകാരോടു ചോദിച്ചു. ഈ കുട്ടിയുടെ പാട്ടു കണ്ടിട്ടുണ്ടോന്നു (ഞാന് ടിവി കാണുന്നതു അപൂര്വ്വമാണ്). ഇപ്പോള് വായിച്ചു കഴിഞ്ഞപ്പോഴല്ലേ ഇതു സ്വപ്നമായിരുന്നൂന്നു പിടികിട്ടിയതു.
സ്വപ്നം ബ്ലാക്&വൈറ്റ് അല്ല കളറാണെന്നും, സ്വപ്നത്തില് കണ്ടതിന്റെ പിക്ചര് പോസ്റ്റ് ചെയ്യാമെന്നും ആദ്യമായി മനസ്സിലായതു ഇപ്പോളാണു.
ഫോട്ടോസ് കിടിലം.
അമ്പടി വീരത്തിക്കുഞ്ഞേ...സ്റ്റാർ സിംഗറിൽ പാടിയില്ലേലും ഒരു കഥയോ കവിതയോ റെക്കോർഡി അയച്ചു താ,നമ്മുടെ കുഞ്ഞൻ റേഡിയോയിലിടാമെന്നെ.. ഇവിടെയുണ്ട് കുഞ്ഞൻ റേഡിയോ
ReplyDeleteതുടക്കത്തിലേ തോന്നി... ഉപ്പ പറഞ്ഞതു പോലെ 'സുന്ദരമായ നടക്കാത്ത സ്വപ്നം' ആയിരിയ്ക്കുമല്ലോ ഇത് എന്ന്...
ReplyDeleteഎന്തായാലും ഒന്ന് ശ്രമിച്ചോളൂ... സ്വപ്നങ്ങള് സഫലമാകാന് അധികം താമസം വരില്ല :)
ആശംസകള്!
ഒന്നേ പറയാനുള്ളൂ, സ്വപ്നങ്ങള് കണ്ടു കഴിഞ്ഞു അങ്ങിനെ തന്നെ മറന്നു കളയല്ലേ... Paulo Coelho പറഞ്ഞ പോലെ, Dreams are the nourishment to the soul, like water to the plant. എത്തി പിടിക്കുക. ദൂരെ ആയാലും വിടരുത്. ഒരു വലിയ വാചകം കൂടെ പറഞ്ഞിട്ടേ ഞാന് പോകൂ - Once the problem is solved, its simplicity is amazing. പുള്ളിടെ തന്നെ ടയലോഗാ. അപ്പൊ മല മറിക്കണ പണി ആണെന്ന് തോന്നിയാലും വിടാതെ തന്നെ സ്വപ്നങ്ങളെ താലോലിക്കുക
ReplyDeleteസ്റ്റാര് സിങ്ങര് ആയില്ലെങ്കിലും
ReplyDeleteസ്റ്റാര് റൈറ്റര് ആവട്ടെ
ഒരു നാള് മിടുക്കിക്കുട്ടി സ്റ്റാര് സിങ്ങറില് പാടും. ഞങ്ങളൊക്കെ അത് കാണും. പോസ്റ്റ് ഇഷ്ടപ്പെട്ടു.
ReplyDeleteകൊള്ളാം പക്ഷെ തുടകത്തിലെ മനസിലാവും ഇത് ഒരു പറ്റികല്സ് ആണ് എന്ന് ..എനാലും കുഴപ്പം ഇല്ല നന്നായി എഴുതിരിക്കുന്നു .
ReplyDeleteഒരു മല്സരാര്ത്തിയുടെ അതേ വികാര വാഴ്പോടെ എഴുതിരിക്കുന്നു ..ആശംസകള്
nahan kutti... adipoli post... njan ente friendine vilichu kanikkukayayirunnu... "da ee nahana kutty kollam ennu,.. ho last gambiram aakki .... keep it up dear sister... u hav a brilliant languange in malayalam.. oru nadan shyli.. take care da all the best for ur future.. idea star singer adutha auditionil paaadu ketto da
ReplyDeleteThis comment has been removed by the author.
ReplyDeleteനീയൊരു പുലിതന്നെ നേനക്കുട്ടി...സമ്മതിച്ചു തന്നിരിയ്ക്കുന്നു. പാടാന് കഴിവുണ്ടെങ്കില് മോളു തീര്ച്ചയായും അതിനെ പരിഭോഷിപ്പിച്ചെടുക്കണം. പങ്കെടുത്ത് പ്രൈസ് വാങ്ങണം. ആശംസകള്!! '
ReplyDeleteസിന്ഗര് സ്റ്റാര് ആവാഞ്ഞത് നന്നായി. നേനയിലെ ബ്ലോഗറെ , എഴുത്തുകാരിയെ നമുക്ക് ഒരുപക്ഷെ നഷ്ടപ്പെടുമായിരുന്നു.
ReplyDeleteമനപ്പായസത്തിനെന്തുമധുരം.... എഴുത്തിനും മധുരമുണ്ട് കേട്ടോ.. ആശംസകൾ
ReplyDeleteചിപ്പിക്കുള് മുത്താണല്ലോ-
ReplyDeleteകുട്ടിത്തവും നര്മവും ചേര്ന്നൊഴുകുന്നു.
അഭിനനദനങ്ങള് മോളൂ
റോഡ് ബ്ലോക്കായിരുന്നു അതുകൊണ്ടാ ഇവിടെ എത്തിപ്പെടാന് താമസിച്ചത്...
ReplyDeleteഅപ്പോ നേനമോള് എന്താ പറഞ്ഞത് സ്വപനം കണ്ടൂ എന്നോ... ഉപ്പ പറഞ്ഞപോലെ ഒന്നുമല്ലാട്ടോ ഇന്നത്തെ കാലത്ത് നടക്കാത്ത സ്വപ്നങ്ങള് ഒന്നുമില്ല ശ്രമിക്കണം എന്ന് മാത്രം. ( ശ്രമിച്ചാ മതി എന്നൊക്കെ പറയും എന്നാ പിന്നെ ഹംസക്കാക്കും ശ്രമിച്ചൂടെ എന്നോന്നും തിരിച്ച് ചോദിക്കല്ലെ ) ... പിന്നെ തുടക്കം കണ്ടപ്പഴെ എനിക്കറിയാം സ്വപ്നം കാണാന് നീ മിടുക്കിയാ എന്ന് .....
റിയാലിറ്റി ഷോകളില് ചിലപ്പോഴെങ്കിലും മഞ്ച്സ്റ്റാര് ഞാനും കാണാറുണ്ട് ചില കുട്ടികളുടെ പ്രകടനങ്ങള് നല്ല ഇഷ്ടവുമാണ്... വലിയ പോത്തുകളുടെ കാട്ടിക്കൂട്ടലിനേക്കാള് എത്രയോ നല്ലതാണ്... അടുത്ത് വര്ഷം അപ്പോ ടീ.വിയില് നേനമോളെ ഞാന് കാണും അല്ലെ... ഉറപ്പിക്കട്ടെ..... ( ഉപ്പ വാങ്ങിത്തരുന്ന മണ്ടച്ചെരിപ്പ് ഒന്നും നമുക്ക് വേണ്ട എന്റെ കുട്ടിക്ക് ഞാന് വാങ്ങിത്തരാം നല്ല വിലകൂടിയ ചെരിപ്പ്ട്ടോ )
മോളെ നല്ല രസകരമായി തന്നെ എഴുതികെട്ടോ..... എനിക്കിഷ്ടം ഇങ്ങനത്തെ നിഷ്കളങ്ക എഴുത്തുകള് തന്നാ അതിനു കാരണം വലിയ ബുദ്ധിജീവി ഒന്നുമല്ലാത്തതുകൊണ്ടാ.....
അഭിനന്ദനങ്ങള് :)
നേനാ കുട്ടീ..പോസ്റ്റ് നന്നായി..പിന്നെ എല്ല തവണയും ഉപ്പാക്കിട്ട് പണി കൊടുക്കുന്നുണ്ടല്ലോ..ഭാവന നന്നായ് ഉപമകളും..എല്ലാ ആശംസകളും നേരുന്നു
ReplyDelete:)
ReplyDeleteBest wishes
രസകരമായ അവതരണം. ആശംസകള്
ReplyDeleteനേന, ഇവിടെ ആദ്യമായീട്ടാ.
ReplyDeleteഅവതരണം നന്നായിട്ടുണ്ട് ട്ടോ.
വായിച്ചു തുടങ്ങിയപ്പോള് ഒരു സ്റ്റാര് സിങ്ങര് ആണോ കൂടിയാണോ ഈ ബ്ലോഗി കുട്ടി എന്ന് തുടങ്ങിയ ചിന്ത കാറ്റ് പോയ ബലൂണ് പോലെ ആയി.
പക്ഷെ അതിനേക്കാള് വലിയ എഴുതുവാനുള്ള കഴിവ് ഉണ്ട് ട്ടോ
ഇനിയും എഴുതുക ......
നേന, ഇവിടെ ആദ്യമായീട്ടാ.
ReplyDeleteഅവതരണം നന്നായിട്ടുണ്ട് ട്ടോ.
വായിച്ചു തുടങ്ങിയപ്പോള് ഒരു സ്റ്റാര് സിങ്ങര് ആണോ കൂടിയാണോ ഈ ബ്ലോഗി കുട്ടി എന്ന് തുടങ്ങിയ ചിന്ത കാറ്റ് പോയ ബലൂണ് പോലെ ആയി.
പക്ഷെ അതിനേക്കാള് വലിയ എഴുതുവാനുള്ള കഴിവ് ഉണ്ട് ട്ടോ
ഇനിയും എഴുതുക ....
നന്നായി എഴുതിയിരിക്കുന്നു മോളൂ , ഫോട്ടോയും ആദ്യത്തെ ഖണ്ഡികയും കണ്ടപ്പോള് ഇന്ന് ഏതായാലും ടി വി കാണണം എന്ന് കരുതിയതായിരുന്നു. ഏതായാലും എഴുതാന് മാത്രമല്ല പാടാനും മോള്ക്ക് കഴിയട്ടെ.....
ReplyDeleteനടക്കാത്ത സ്വപ്നങ്ങള് നടക്കട്ടെ.....
ReplyDeleteസ്റ്റാര് സിങ്ങര് കാണാറില്ല നെന പാടുന്നെങ്കില് ഇനി കാണണമല്ലോ എന്ന് കരുതിയതാ
ReplyDeleteഭാഗ്യം !!!
കൊള്ളാം നെനാ നന്നായെഴുതി സ്വപ്നത്തെ ..
കഥയില് പാട്ടുകാരിയാവാനുള്ള മോഹം സ്വപ്നത്തിലാണെങ്കിലും എഴുത്തുകാരിയാവാനുള്ള സ്വപ്നം സഫലമാകുന്ന ലക്ഷണമുണ്ട്.
ReplyDeleteആശംസകള്!
ഹായ് മോളു....നന്നായി...സ്റ്റാര് സിങ്ങര് ആയില്ലെങ്കിലും ധാരാളം എഴുതി നല്ലൊരു എഴുത്തുകാരിയാവട്ടെ എന്നാശംസിക്കുന്നു .......
ReplyDeleteചെറൂപ്രായത്തിൽ തന്നെ എഴുത്തിന്റെ താളലയങ്ങൾ മനസ്സിലക്കിയ നേന ഉപ്പാപ്പയേയും(ഖാദർ ഭായ്) വാപ്പയേയും(സിദ്ധിക്ക് ഭായ്) ഈ ഫീൽഡിൽ വെട്ടിക്കും കേട്ടൊ....
ReplyDeleteഅഭിനന്ദനം നേന ..അഭിനന്ദനങ്ങൾ...!
ഒപ്പം , മോളുവിനും കുടുംബത്തിനും സർവ്വവിധ നവവത്സരഭാവുകങ്ങളും നേരുന്നൂ...
@@
ReplyDeleteഇത് ചതിയല്ല, കൊടും ചതിയായിപ്പോയി.
പോസ്റ്റും ഫോട്ടോയും കണ്ടയുടന് ഞാന് ശ്രീമതിയെ വിളിച്ചു 'ഇതാ നിന്റെ നേനക്കുട്ടി ടീവീല് പാടുന്നു' എന്ന് പറഞ്ഞതും അവള് കരിമീന് ഫ്രൈ ചെയ്യുന്നിടത്ത് നിന്നും ഓടിവന്നു. വായിച്ചു കഴിഞ്ഞ് അവളുടെ നല്ലസ്വഭാവം കണ്ടപ്പോഴാ അമളി മനസ്സിലായത്.
ഒറ്റയിരുപ്പില് അവള് വായിച്ചത് കൊണ്ട് മറ്റൊരു ഗുണമുണ്ടായി.
കരിമീന് ശരിക്കും കരിഞ്ഞ മീനായി!
(ഈയിടെ കണ്ണൂരാനും കണ്ടു 'ഒരിക്കലും നടക്കാനിടയില്ലാത്ത മനോഹര സ്വപ്നം'! അത് പോസ്ടാക്കിയാല് ബൂലോകര് എന്നെ തല്ലിക്കൊല്ലും. എന്നാലും അത് കൂടി ഇട്ടേ കണ്ണൂരാന് വിട വാങ്ങൂ)
ഹ..ഹ..ഹാ..!
നെനകുട്ടീ . നന്നായി പറഞ്ഞു. നര്മവും നന്നായി വഴങ്ങുന്നു. കുസ്രതി നിറഞ്ഞ കുഞ്ഞു വാക്കുകള് ഒരുപാട് ഇഷ്ടായി.
ReplyDeleteസ്റ്റാര് സിങ്ങര് എന്തിനാ. ഒരു "സണ് സിങ്ങര്" തന്നെ ആവും നെന. അഭിനന്ദനങ്ങള്.
അസ്സല് !
ReplyDeleteനേനക്കുട്ടീ,നീയും തുടങ്ങിയല്ലെ സാബിയുടെ മാതിരി സ്വപനം പോസ്റ്റു ചെയ്യല്!. ഈ സ്വപ്നം റിക്കാഡ് ചെയ്യുന്ന ആ ക്യാമറ എനിക്ക് ഒന്നയച്ചു തരാന് നിന്റെ ബാപ്പാനോട് പറയണം. എന്നിട്ടു വേണം എന്റെ മിന്നു മോള്ക്കൊരു ഓസ്ക്കാര് അവാര്ഡ് നേടാന്!
ReplyDeleteനേനക്കുട്ടീ കലക്കന് അടിപൊളി ഭാവുകങ്ങള്
ReplyDeleteഛേ ആ ചുന്നക്കുട്ടി അല്പം കൂടി ക്ഷമിച്ചിരുന്നെങ്കില് സ്റ്റാര് സിങ്ങര് വിജയിക്കു നാട്ടുകാര് നല്കിയ സ്വീകരണം കൂടി കാണാമായിരുന്നു.!!
ReplyDeleteനല്ല എഴുത്ത്. ആശംസകള്.
രസകരമായ അവതരണം. ആശംസകള്നെനകുട്ടീ
ReplyDeleteനെന ക്കുട്ടീ e നന്നായി എഴുതി ..രസകരം .
ReplyDeleteഒന്നുരണ്ടിടത്തു പിശകുകള് കണ്ടു
അത് തിരുത്തുക .
1)" അനിമാമിക്ക് നല്ല എക്സ്പര്ട്ട് ഉള്ള പോലെ യാണ് .." എക്സ്പിരിയന്സ് ഉള്ളത് പോലെയാണ് എന്നതാണ് ശരി .
2 ) ഓഡി യേഷന് എന്നത് ഓഡിഷന് (Audision) എന്ന് തിരുത്തി
എഴുതുമല്ലോ .ബാക്കിയെല്ലാം ഓക്കേ.
ramesh chettan paranjathu maattikko
ReplyDeletepakshe 'audition' spelling thettikkallu
ketto.
അഭിനന്ദനങ്ങള് .......
ReplyDeleteനേനക്കുട്ടീ...ആശംസകൾ,ചന്തുചേട്ടനല്ലാ മൊളേ..മൊളുടെ വാപ്പയേക്കാൾ പ്രായമുണ്ട് അതുകൊണ്ട് മാമനെന്നോ,അങ്കിളെന്നോ.അച്ഛനെന്നോ വിളിക്കാം.എന്റെ പ്രൊഫൈല് ഒന്ന് വായിച്ച് നോക്കുക..... പിന്നെ, മോൾ പാട്ട്കാരിയാണോ,പാടാനോ,അഭിയനിക്കാനോ,താല്പര്യമുള്ള കൂട്ടത്തിലാണോ,അതൊ എഴുത്തുകാരിയായിട്ടറിയാനാണോ താല്പര്യം,മാമൻ ഒരു രഹസ്യം പറയട്ടെ,മഞ്ച് സ്റ്റാർ സിംഗര് ജൂനിയറിലെ ഒരു കുട്ടി എന്റെ അടുത്ത സിനിമയിൽ ഒരു കേന്ദ്രകഥപാത്രത്തെ അവതരിപ്പിക്കുന്നു.നമ്മുടെ ഒരു സൂപ്പർസ്റ്റാറിനോടൊപ്പം തുല്ല്യ പ്രധാന്യമുള്ള റോൾ,( രണ്ടു പേരുകളും ഞാൻ ഇപ്പോൾ പറയുന്നില്ല-മ്മിണി..സസ്പ്പെൻസാ-) പിന്നെ..മോളൂട്ടീ..”സ്വപ്പ്നം ചിലർക്ക് ചിലകാലമൊത്തിടും” എല്ലാ...നന്മകളും...ചന്തുനായർ
ReplyDeleteപാവം അനി മാമിക്കിട്ടു ഇത്രയും കൊട്ടിയിട്ടു ഒരു ഫോട്ടോ കൊടുകാം ആയിരുന്നു...mixed കോളേജ്.. എക്സ്പീരിയന്സ്.. ...ശരിക്ക് ..കുടഞ്ഞല്ലോ..
ReplyDeleteമനസ്സിലെ തായമ്പക, മുല്ലപെരിയാരിന്റെ ചോര്ച്ച എല്ലാം നന്നായി അവതരിപ്പിച്ചു ..പിന്നെ നസ്രിയ താത്തയുടെ 'സ്വത സിദ്ധം' ആയ ശൈലി
അല്ലെ?
എപ്പോഴാണ് ഈ സ്വപ്നം കണ്ടത് ?പുലര് കാലേ ആണെങ്കില് ചിലപ്പോ ഫലിക്കും ennaanu .. സ്വപ്നം ചിലര്ക് ചില കാലം ഒത്തിടും
എന്നും ഉണ്ട്..അത് കൊണ്ടു പ്രതീഷ വിടണ്ട...
നേന നന്നായി എഴുതി...എഴുതിയ ആശയം വ്യക്തമായി പഠിച്ചതിന്റെ തെളിവ് എഴുത്തില് ഉണ്ട്. അറിയുന്ന ഏരിയ എപ്പോഴും എഴുത്തില് വിഷയം ആക്കുക. അത് ആല്മ വിശ്വാസം തരും. ആശംസകള്.
ഹ..ഹാ...ഹാ..
ReplyDeleteചിരി വന്നിട്ടെനിക്കിരിക്കാന് വയ്യേ...
എല്ലാവര്ക്കും ബഹുത് ബഹുത് ശുക്രിയാ എന്നിപ്പോള് ഒറ്റവാക്കില് പറയട്ടെ, ഓരോരുത്തര്ക്കുള്ളത് സമയം പോലെ പിന്നെ തരാം..
ReplyDeleteകണ്ണൂരാന്ക്ക വളരെ സന്തോഷമായി ഉപ്പ രാവിലെ തന്നെ വിളിച്ചിരുന്നു , കിട്ടേണ്ടത് കിട്ടി..വിശദമായി ഞാന് മെയില് അയക്കാം ..
രമേശേട്ടാ..വളരെ നന്ദി , അത് മാറ്റി .
എന്റെ ലോകത്തിന്റെ തിരുതിനും നന്ദി.
അനിമാമി സമ്മതിക്കുന്നില്ല ..അതുകൊണ്ടാ..
എല്ലാവര്ക്കും വീണ്ടും നന്ദി ..
ചിരിപ്പിച്ചു ....ഹി ..ഹി ..ഹി
ReplyDeleteകൊള്ളാം... വീണ്ടും എഴുതുക...
ReplyDeleteനേന സിദ്ദിക് സെലക്ട് എന്ന് കേള്ക്കും വരെ ഉല്ക്കണ്ഠയുടെ മുള്മുനയില്ത്തന്നെയായിരുന്നു.
ReplyDeleteചുന്നക്കുട്ടിയുടെ ശബ്ദം കേള്ക്കുംവരെ അതൊരു യാഥാര്ഥ്യം പോലെ തോന്നി..അതെ,,അത്ര വിദഗ്ദമായി ഒളിപ്പിച്ചു ആ സസ്പെന്സ്.അഭിനന്ദനങ്ങള്
സ്വപ്നമായിരിക്കുമെന്നൊരിക്കലും കരുതിയില്ല ട്ടൊ..നര്മ്മത്തില് പൊതിഞ്ഞ സ്റ്റാര് സിംഗര് അസ്സലായി. സ്വപ്നം ഫലിക്കട്ടെ എന്നാശംസിക്കുന്നു.
ReplyDeleteഅതുഗ്രനായി..... ജൂനിയര് സ്റ്റാര് ഫോട്ടോയും പോസ്റ്റും എല്ലാം.....
ReplyDeleteപുതിയ വിദ്യ നല്ല വിജയമായല്ലോ അല്ലെ? മാറ്റങ്ങള് എപ്പോഴും സ്വീകരിക്കപെടും, പോസ്റ്റിലായാലും ജീവിതത്തിലായാലും എവിടെയയാലും...
ആശംസകള്....
കൊള്ളാം നേനാ... സ്വപ്നം..!
ReplyDeleteഇൻഡ്യൻ പ്രസിഡന്റാവാൻ പഠിച്ചാലെ പഞ്ചായത്ത് പ്രസിഡന്റെങ്കിലും ആവൂ എന്നു കേട്ടിട്ടില്ലെ..?
“പരിശ്രമം ചെയ്യുകിലെന്തിനേയും,
വശത്തിലാക്കാൻ കഴിവുള്ളവണ്ണം.”
ആശംസകൾ...
സ്വപ്നം ഫലിക്കട്ടെ.... അടുത്ത സ്റ്റാര്സിങ്ങരില് കാണാം നൈനകുട്ടിയെ, എന്തായാലും ചുമ്മാ ഞങ്ങളെ കൊതിപ്പിച്ചു.
ReplyDeleteനന്നായിട്ടുണ്ട് മോളൂട്ടീ...തുടര്ന്നും എഴുതുക..ആശംസകള്...ചക്കരയുമ്മ..
ReplyDeleteഎന്റെ നേനക്കുട്ടീ വളരെ നന്നായിരിക്കുന്നു. സ്വപ്നം എന്തയാലും ഉഷാരാക്കിയിട്ടുണ്ട് .ഇനിയും ഇതുപോലെ നല്ലനല്ല തമാശകള് പ്രതീക്ഷിക്കുന്നു
ReplyDeleteകൊള്ളാം...ആശംസകള്...
ReplyDeleteനര്മ്മത്തില് ചാലിച്ചെഴുതിയ ‘സ്വപന്മൊരു ചാക്ക്’ അസ്സലായി കേട്ടോ..
ReplyDeleteഎന്നാലുമെന്റെ നേനക്കുട്ടീ വെറും സ്വപ്നമായിരുന്നോ..
ReplyDeleteചിപ്പി കുട്ടി,
ReplyDeleteഞാന് മൊബൈല് എടുത്തു മെസ്സേജ് അയക്കാന് തുടങ്ങിയതാ അപ്പോഴാ അറിഞ്ഞേ സ്വപ്നം ആണെന്ന്.... ഏതായാലും പോസ്റ്റ് കലക്കി
രസകരമായിരിക്കുന്നു, ആശംസകള്.
ReplyDeleteനേന തുടക്കം വായിച്ചപ്പോള് ഞാന് കരുതി സത്യമാണെന്ന്...നല്ല അലക്കന് അവതരണം..സ്വപ്നങ്ങളെല്ലാം സത്യമാകട്ടെ..
ReplyDeleteആശംസകള്
pattichallo nahanathaathaa... enthaayaalum katha enikkishtappettu.....
ReplyDeletemoloooo nannayittundu.... pinne njangaleyokke pattichathinoru kunjunullu.... shukriyaaa molooooo
ReplyDeletesupppppppppppppppppper
ReplyDeleteplzzzz join now www.eekoottam.com
മോളൂ ..നീ ഉപ്പാക്കിട്ടു തന്നെ കൊട്ട് ട്ടോ ..
ReplyDeleteനേനയുടെ എഴുത്ത് നേനെയെക്കള് ഒരുപാട് മുതിര്ന്നു. ഭാവുകങ്ങള് !
ReplyDeleteനേന കുട്ടിക്ക് സ്റ്റാര് സിങ്ങര് അല്ല അതിനപ്പുറവും ആകാം ....പോസ്റ്റ് കലക്കി ബഹുത് ശുക്രിയ
ReplyDeleteമോളെ,നൈനാസേ,നേരത്തെ വായിച്ചിരുന്നു.അഭിപ്രായം എഴുതാന് പറ്റീല..എന്റെ നൈനാസിനു കണ്ണ് തട്ടാതിരിക്കട്ടെ (മാഷാ അല്ലാഹ്)
ReplyDeleteഅത്ര നന്നായി എഴുതുന്നു
ഹി ഹി ഹി ഹി ഹഹ!! ആദ്യം വെറുതേയാണ് എന്നു കരുതി, വായിച്ച് വായിച്ച് വന്നപ്പൊ പടങ്ങൾ കണ്ടപ്പൊ ശരിക്കും വിശ്വസിച്ചു. ഒഴാക്കൻ അങ്കിൾ പറഞ്ഞപോലെ കള്ളം പറയുന്നില്ല. മെസ്സേജ് ഒന്നും അയക്കാനുള്ള പദ്ധതിയുണ്ടായിരുന്നില്ല. പക്ഷെ സ്വപ്നം കണ്ട് ഞങ്ങളെ പറ്റിച്ചു. കൊള്ളാം. ആ പടങ്ങൾക്ക് നല്ല ഒറിജിനാലിറ്റി.നല്ല എഴുത്ത്. ആശംസകൾ
ReplyDeleteനേന കുട്ടി ഇങ്ങനെ ഒന്നും സ്വപ്നം കാണല്ലേ, ഞാന് മഞ്ച് സ്റ്റാര് സിങ്ങര് കാണാന് പറ്റിയില്ല എന്ന് ആലോചിച്ചു ടെന്ഷന് അടിച്ചു പോയി, ഒരു വീഡിയോ ഇട്ടുടെ എന്ന് കമെന്റ് അടിക്കാന് കരുതിയത് ആണേ ,
ReplyDelete.....
ReplyDeleteSlowly.. u overtake Sidheek Thozhiyoor as a writer.... why because .... he make stories from realities.. but u r making stories from dreams... really feeling nice to see ur growth in blogs.. one among us .. gr888
regards,
Habeeb E Mohammedunny
അന്ത്യനാളിന്റെ അടയാളങ്ങള് -
ReplyDelete. സംഗീത ഉപഗരനങ്ങളുടെ ഉപയോഗതിലുണ്ടാകുന്ന വര്ധനവ്. മുഹമ്മദ് നബി(സ) അത് വിലക്കിയിട്ടു പോലും മുസ്ലിങ്ങള് അത് ഉപയോഗിക്കുന്നതിനു തെറ്റില്ല എന്ന് വാദിക്കും.
Ashamsakal... Niranja prarthanakal...!!!
ReplyDeleteവളരെ നല്ല അവതരണം. ആദ്യ ഭാഗം വായിച്ചാല് സ്വപ്നമാണെന്ന് തോന്നുകയേ ഇല്ല. എന്നാലും ഒരു പേടി ഉണ്ടായിരുന്നു ഇത് സ്വപ്നമായിരിക്കുമോ എന്ന്. ഏതായാലും വളരെ നന്നായി.
ReplyDeleteആ ഫോട്ടോ കണ്ടപ്പോള് ഉറപ്പായി സ്വപ്നം തന്നെ എന്ന്
ReplyDeleteഎന്നാലും എന്റെ നേനാക്കുട്ടി...ആ സ്വപ്നേ...
Wishing you all the best. May you become a great singer.
ReplyDeleteWith all the best - Sreedhar. New Delhi, India
ക്ലിക്കായി
ReplyDeleteകാണുമ്പോൾ കുറച്ചുകൂടി വലിയ സ്വപ്നം കാണാമായിരുന്നു.
ReplyDeleteഇളയരാജയുടെ സ്റ്റുഡിയോയിൽ പ്ലേബാക്ക് സിംഗർ ആയി റിക്കോർഡിംഗിനു നിൽക്കുന്ന സ്വപ്നമൊക്കെ.
എഴുത്ത് നന്നായി. പ്രായത്തിലെ കുട്ടിത്തം എഴുത്തിൽ ഇല്ല.
അത് സ്വപ്നം ആണെന്ന് പറഞ്ഞു കഴിയുമ്പോൾ നിർത്തണമായിരുന്നു. പിന്നെയുള്ളത് വലിച്ചു നീട്ടലാണ്. തൂടരുക
നല്ല സ്വപ്നം നന്നായി പറഞ്ഞു.ആശംസകൾ
ReplyDeleteഹായ് കൊച്ചു കൂട്ടുകാരി ഇന്ന് വന്നതേ ഉള്ളു ..വഴിയെ പരിചയപ്പെടാം ....ഇങ്ങള് വലിയൊരു സംഭവം തന്നെ ട്ടോ ..... എല്ലാ ഭാവുകങ്ങളും നേരുന്നു
ReplyDeleteനേനക്കുട്ടീ, നിന്റെ ഒരുകൊട്ട നന്ദി കിട്ടിബോധിച്ചിരിക്കുന്നു, ഹ ഹ.... ഞാനത് കണ്ടില്ലാരുന്നു, നിന്റെ കമന്റ് വായിക്കാന് വന്നതായിരുന്നു ഞാന്, പക്ഷെ നീയങ്ങനെ കൊട്ട നന്ദിയില് ഒതുക്കിയത് ഒട്ടും ശരിയായില്ല, അറ്റ്ലീസ്റ്റ് ഞാന് കരുതിയത് വീട്ടില് വിളിച്ച് ഒരു ബിരിയാണിയെങ്കിലും തരുമെന്നാ, സാരല്ലാ, നീയിങ്ങനെ വീണ്ടും സ്വപ്നം കാണുമെന്നും കൂടുതല് ഫോട്ടോ എഡിറ്റി അവസാനം അഞ്ചോ ആറോ ബിരിയാണി ഒന്നിച്ചു തരുമെന്നും കരുതി വായില് വെള്ളമിറക്കി ഇരിക്കുകയാണു ഞാന്,
ReplyDeleteആശംസകൾ
ReplyDeleteനന്നായി.
നേനക്കുട്ടീ,
ReplyDeleteപോസ്റ്റ് അതി മനോഹരമായിട്ടുണ്ട്. അഭിനന്ദനങ്ങള്!
നല്ല ഒഴുക്കുള്ള അവതരണം. സ്വാഭാവികത നിറഞ്ഞു നില്ക്കുന്നു.
സ്റാര് സിംഗറില് പാടുന്ന കുട്ടി ആണോയെന്ന്,
ഒരു വേള ഞാനും സംശയിച്ചു. ആശംസകള്!
valare nannaayirikkunnu mole..........
ReplyDeleteഎത്ര സുന്ദരമായ നടക്കാത്ത സ്വപ്നം.
ReplyDeleteഹിഹിഹി.ചുമ്മാ...
എല്ലാം പൂവണിയട്ടെ നേനക്കുട്ടി.
നേനാ സിദ്ധീക്ക് ഭാവിയിലെ നല്ലൊരു എഴുത്തുകാരി എന്ന് എന്റെ മനസ്സ് മന്ത്രിക്കുന്നു .നേനയുടെ സ്വപനങ്ങൾ പൂവണിയട്ടെ,ഭാവുകങ്ങൾ ,അഭിനന്ദനങ്ങൾ......ഒരായിരം ഇനിയും എഴുതുമല്ലോ..
ReplyDeleteഎന്നെക്കൊണ്ട് വെറുതെ Youtube ല് search ചെയ്യിച്ചു ;) എന്തായാലും ഇതിനു ഞാന് വെച്ചിട്ടുണ്ട്.. നാട്ടില് വരുമ്പോള് പലിശയും കൂട്ടി തന്നോളാം..!
ReplyDeleteഒരായിരം അഭിനന്ദനങ്ങള്. ഭാവിയിലെ വാഗ്ദ്വാനം.ഇനിയും കൂടുതല് കൂടുതല് എഴുതാന് കഴിയട്ടെ.
ReplyDeleteകലക്കീട്ടോ.....ചിരിപ്പിച്ചു. ഉപ്പയോടും ഉമ്മായോടും പറയൂ “ഒരുനാള് എന്റെ പുളിഞ്ഞീം പൂക്കും” എന്ന്. ചക്കരെ നന്നായി എഴുതൂ, ചിരിക്കൂ, ചിരിപ്പിക്കൂ. ഹാപ്പീ ന്യൂ ഇയര് .........
ReplyDeleteവളരെ വളരെ നന്നായി അവതരിപ്പിയ്ക്കാന് നേനയ്ക്കു കഴിഞ്ഞിട്ടുണ്ട്. നല്ല വായനയ്ക്ക് ഉതകുന്ന പോസ്റ്റുതന്നെ...
ReplyDelete(കുണ്ടിതം - കുണ്ഠിതം
ഹാര്ദ്ദവം -ഹാര്ദ്ദം)
പറ്റിച്ചേ....
ReplyDeleteസ്വപ്നംകാണാന് മറന്ന തലമുറയിലെ കുഞ്ഞേ,
ReplyDeleteമലയോളം കണ്ടോളൂ, കുന്നോളം കിട്ടും.
നിരാശപ്പെടരുത്, സന്തോഷത്തിന്റെ ലോകം പണിയാന് പരിശ്രമിച്ചോളൂ.
അറിവും അനുഭവവും മുന്നോട്ടുനയിക്കട്ടെ.
നല്ല നിലവാരമുള്ള കുറിപ്പ്, പ്രാര്ഥനകള്
നേനയുടെ സ്വപനങ്ങൾ പൂവണിയട്ടെ...
ReplyDeleteപോസ്റ്റ് അതി മനോഹരമായിട്ടുണ്ട്....
അഭിനന്ദനങ്ങള് ....
നേനക്കുട്ടീ..ഇങ്ങനെ ഒരു പോസ്റ്റ് ഇട്ടിരുന്നോ..ഞാന് കണ്ടില്ല..സോറി മോളൂ..എഴുത്ത് നന്നായിട്ടുണ്ട്...ആശംസകള്..
ReplyDeleteThis comment has been removed by the author.
ReplyDeleteനന്നായിരിക്കുന്നു നേനക്കുട്ടീ. ആദ്യം ഇതൊരു സ്വപ്നമായിരിക്കുമെന്നു എനിക്ക് തോന്നിയതേയില്ല. അതിനു കാരണം നേനയുടെ എഴുതാനുള്ള കഴിവ് തന്നെ. അപ്പോള് പാടാനും കഴിയുമായിരിക്കും എന്നും സ്റ്റാര് സിംഗറില് പാടിയിരിക്കും എന്നും ഞാന് കരുതിപ്പോയി. അപ്പോഴല്ലേ മൂന്നാം റൌണ്ടില് എലിമിനെറ്റ് ആയതു. നന്നായി കേട്ടോ. ഉപ്പയും ഉമ്മയും അങ്ങിനെയൊക്കെ പറഞ്ഞോട്ടെ. പക്ഷെ മോള് അവരുടെ പ്രതീക്ഷക്കൊത്ത് ഒരു നാള് വലിയ നിലയില് എത്തും. ആശംസകളോടെ.
ReplyDeleteഹഹഹ വല്ലതും നടന്നോ എഴുത്ത് വളരെ നന്നായി ,,ചിരിച്ചു ചിരിച്ചു ചത്തു എന്നു പറയാം ..എന്നാലും ഉമ്മയും ഉപ്പയും അതിങ്ങളെ കഞ്ഞി ആക്കി അല്ലെ ,,അത് ഇത്തിരി കടുത്ത കയ്യയോ ഹെഹ്ഹെ ,,ഇനിയും പ്രദീക്ഷിക്കുന്നു ഇതു പോലോത്ത എഴുത്തുകള് ,,,,എല്ലാ ആശംസകളും നേരുന്നു
ReplyDeleteഹായ് നല്ല എഴുത്ത് കേട്ടോ. ആളു കൊള്ളാലോ.
ReplyDeleteആശംസകള്.
HHH KANADATH MANOHARAM KAANAANULLATH ATHIMANOHARAM AVIDUNNU LINKI IVIDETHIYAPPOL NJAAN KARUTHEELLA MOLOO NEE ITHREM VALIYORU KALAAKAARIYAANNU ENTTE ELLA NANMAKALUM NERUNNU URPAADUYARANGALIL ETHAAN ALLAAHU NINNE ANUGRAHIKKATTE
ReplyDeleteആധുനിക സാങ്കേതിക വിദ്യകള് ഉപയോഗിക്കുമ്പോള് സ്വപങ്ങള്ക്ക് കൂടുതല് നിറമുണ്ടാകുന്നു. ഇവിടെ ഇത്രയുംപേര് വായിക്കാനും കമന്റാനും മുതിര്ന്നത് അതെ വിദ്യയില് അകപ്പെട്ടതുകൊണ്ടാണ്. എല്ലാവരെയും തന്റെ വരികളിലൂടെ അമളിയിലൊതുക്കാന് കാണിച്ച ധൈര്യത്തെ അഭിനന്ദിക്കുന്നു. എഴുത്ത് തുടരൂ.
ReplyDeleteകൊള്ളാം ഞാന് ആദ്യമായിട്ടാണ് ഇവിടെ....പക്ഷെ എനിക്ക് ഇഷ്ടമായി എനിക്കിപ്പോഴും ചിരിയടക്കാന് കഴിയുന്നില്ല ഞാന് ഇങ്ങനെ തന്നെയാ...വലിയ വലിയ സ്വപ്നങ്ങളെ കാണാറുള്ളൂ വല്ല ഫ്ലൈറ്റ് ഓടിക്കുന്നതോ മറ്റോ.....എന്തായാലും നല്ല എഴുത്ത് ശൈലി....BEST OF LUCK!!!!!!!!!!!
ReplyDeleteThis comment has been removed by the author.
ReplyDeleteThis comment has been removed by the author.
ReplyDeleteCoooooool
ReplyDeleteതുടങിയപ്പൊള് കരുതി ചുമ്മാ പുളു വായിരിക്കുമെന്നു.....പക്ഷെ..ശെരികും കലക്കിട്ടോ..എവിടയൊക്കെയൊ..ഒരു ഇത്..
ReplyDeleteഹോ ഇതൊരു ഒന്നൊന്നര രണ്ടുരണ്ടേമ്മുക്കാല് സ്വപ്നമായി പോയല്ലോ മോളൂ. ഉപ്പയും ഉമ്മയും എന്ന പുവര് അരസികരെ നമുക്ക് നാടുകടത്താട്ടോ.. :):)
ReplyDeleteഹൊ ഞാനും വിജാരിച്ചു മഞ്ചിൽ ഇങ്ങനേ ഒരാളേ കണ്ടില്ലല്ലോ എന്ന് പിന്നല്ലേ സ്വപ്നാണെന്ന് കണ്ടേ . നല്ല രസമുള്ള എഴുത്താട്ടോ..
ReplyDeleteഹിഹീഹ്......!! നല്ല സ്വപ്നം..........!! ആദ്യം ഞാന് വിചാരിച്ചു സത്യാണെന്ന്....! കാരണം എനിക്കി റിയാലിറ്റി ഷോ കാണുന്ന പരിപാടിയേയില്ലാട്ടോ.. അതു തന്നെ......!!
ReplyDeleteമോള് ഉശാരാക്കിയിട്ടുണ്ട് ട്ടോ....ഇനിയും എഴുതണം...ഒരുപാട്....
ReplyDeletegreat...
ReplyDeleteഹേയ് നേന, സത്യം " മത്തന് നട്ടാല് കുമ്പളം മുളക്കില്ല". ഇനിയും എഴുതുക, ഭാവിയില് ഒരു വലിയ എഴുതുകാരിയായിത്തീരട്ടെയെന്നു പ്രാര്ഥിക്കുന്നു. എല്ലാ ആശംസകളും.
ReplyDeleteവല്ലാതെ കണ്ഫ്യൂഷനാക്കിയല്ലോ മോളേ നീ... ഞന് ഇത് വായിക്കുംബൊ ഇതുപോലൊരു കുട്ടിയെ സ്റ്റാര് സിംഗറില് കണ്ടിട്ടുണ്ടോ എന്ന് തല പുകഞ്ഞ് ആലോചിക്കായിരുന്നു. നല്ലോണം ചിരിപ്പിച്ചു... എന്താ എഴുത്ത്... കിടിലന്... നല്ല ഭാവിയുണ്ട് മോള്ക്ക്...
ReplyDeleteഹായ് നല്ല എഴുത്ത് കേട്ടോ. ആളു കൊള്ളാലോ.
ReplyDeleteഇച്ചിരി ഉറങ്ങിയോന്നൊരു സംശയം കുറച്ചു വൈകിപ്പോയി സാരമില്ല കണ്ടുപിടിച്ചു ഞാന്.ആദ്യം തന്നെ വായിച്ചത് മഞ്ജു star singar സ്വപ്നമാണ്.അതും നാട്ടപാതിരാത്രി 12-40നു.ഓഹ് ന്റെ റബ്ബെ... ഒറ്റക്കിരുന്നു കുറെ ചിരിച്ചു. നിന്റെ അവതരണത്തിലെ നര്മം അത്ര ഗംഭീരം.ഒന്ന് ചോതിചോട്ടെ ദ്വേഷ്യം തോന്നരുത്.നീ കമലാ സുരയ്യയെ കണ്ടു പേടിചിരുന്നോ.? തുടക്കത്തില് ആ ഫോട്ടോയും അവതരണവും കണ്ടപ്പോള് സത്യമാണെന്ന് തോന്നി.പക്ഷെ നീ ഉണര്ന്നപ്പോള് മാത്രമാണ് അത് നിന്റെ സ്വപ്നമായിരുന്നെന്നു മനസിലായത്. ഈ ഷോ എനിക്കും ഏറ്റവും ഇഷ്ട്ടപ്പെട്ട ഒന്നാണ്.എന്താ പറയ you r the great.സ്റ്റാര് സിന്ഗര് ഇല്ലങ്കിലും നെന നീ ഇപ്പോഴൊരു ബിഗ് STAR ആണ് .പ്രിയ അനിയത്തിക്ക് എല്ലാ നന്മകളും നേരുന്നു...ഒപ്പം പരീക്ഷയില് നളാ വിജയത്തിനായി പ്രാര്ഥിക്കുന്നു....
ReplyDeleteഈ പോസ്റ്റിനു ഇപ്പോഴും അഭിപ്രായങ്ങള് വന്നുകൊണ്ടിരിക്കുന്നു..എനിക്ക് കൂടുതല് കമ്മന്ടു കിട്ടിയ പോസ്റ്റും ഇതുതന്നെ എല്ലാ പ്രിയപ്പെട്ടവര്ക്കും ഒരു പാട് സന്തോഷവും സ്നേഹവും അറിയിക്കട്ടെ ..എന്റെ പരീഎക്ഷ കഴിഞ്ഞു ഇനി ഒന്ന് രണ്ടു മാസം നിങ്ങളോടൊപ്പം തന്നെ ഉണ്ടാവും .ഒരുപാടിഷ്ട്ടത്തോടെ
ReplyDeleteസ്വന്തം -നേന
നെന മോളെ..എന്നെ ഓര്മ ഉണ്ടോ ..നമ്മള് ഒരു സൈറ്റില് പരിചയപ്പെട്ടിരുന്നു..ആ സൈറ്റില് ഇപ്പോള് ഞാന് ഇല്ല അതിനു ശേഷം മോള്ടെ ബ്ലോഗ്സ് വായിക്കാനും പറ്റീല ..ഗൂഗിള് വഴി വെറുതെ തപ്പി നോകീട്ട ഈ ബ്ലോഗ് കണ്ടു പിടിച്ചേ..ഞങ്ങളുടെ ഒരു സൈറ്റ് ബ്ലോഗ് മത്സരങ്ങള് ഒകെക് നടത്തുന്നുണ്ട്..ബ്ലോഗ്ഗെര്മാരെ ക്ഷണിക്കുന്നു..എന്റെ കുഞ്ഞു അനുജത്തി അവിടെയ്ക്ക് വരാമോ?
ReplyDeleteഹ ഹ എനിക്ക് വയ്യ...ഒത്തിരി ചിരിച്ചു...നേന മോളു തുടര്ന്നും എഴുതുക..
ReplyDeletehello,nanekkutteeee..............
ReplyDeleteithuvayichum mindathepovan vayya.othiri nannayi ezhuithi.
ellavijayashamsakalum ................
kannuthattathirikkatte................
adipoliyaaaaaaaaaaa
ReplyDeleteനന്നായിട്ടുണ്ട്. വളരെ ഇഷ്ട്ടപെട്ടു ഭാവിയില് നല്ലൊരു എഴുത്ത് കാരിയാവട്ടെ എന്ന് ആത്മാര്ഥമായി ആശംസിക്കുന്നു.
ReplyDeleteഇത് ശെരിക്കും ഒറിജിനല് ആയിട്ടാണ് എനിക്ക് ഫീല് ചെയ്തത്. പക്ഷെ നെനകുട്ടി'യെ ന്യാന് സ്റ്റാര് സിങ്ങരില് കണ്ടിട്ടില്ല.
യെന്നീട്ടുമ് ഒറിജിനല് ഫീല് ചെയ്തു. അതാണ് ഒരു എഴുത്ത് കാരിക്ക് വേണ്ടത്.
ഗുഡ് മോള് കൊള്ളാം .... ഇനിയും എഴുതുകാ.
all the best.
Great and Excellent...
ReplyDeleteEnnikkum Nenakuttiye Ishtamayi ............... Best Wishes
ReplyDeleteBEST WISHES
ReplyDeleteEEEE MARUBOOMIYIL JOB HUNTINGINUM, MOOTTA HUNTINGINUM,
ReplyDeleteEDAYIL EDHUPOLORU SOFT DRINKS KUDIKKAN KAZHINCHADHIL ORUPADE SANDHASHAM . ORUPADU CHIRICHU , നേന MOLKKE ORAYIRAM ASHAMSAKAL NERUNNU . ENIYUM EDHUPOLAY ORUPADE YEZHUDHOOOO
GOD BLESS YOU.
ഇതേ രീതിയിലുള്ള സ്വപ്ന കഥകള് ഒരു പാട് കേട്ടിട്ടുണ്ടെങ്കിലും ഇതേ പോലെ ഒരു പഞ്ച് ഉള്ള ഒരു സ്റ്റൈല് .. ആ കുറുമ്പിത്തരമുള്ള ശൈലി അഭിനന്ദിക്കാതെ വയ്യ.. നേരുന്നു ഒരു പിടി ആശംസകള്.. കൂടാതെ പുതിയ പോസ്റ്റുകള് വന്നാല് എന്റെ പോസ്റ്റാപ്പീസില് അറീക്കാനും മറക്കരുത് ...
ReplyDeleteserikum kuzappamilla eanney uloo..............
ReplyDeletegood........
ReplyDeleteവഴി തെറ്റി എത്തിയത് വെറുതെ ആയില്ല...
ReplyDeleteമനോഹരം ....എല്ലാ ആശംസകളും !!
dear chippi. ante anikk blogine kuricch valiya vivaramillatta ikkayanu nan.ninte postukal.budhimuttillenkil.rafeeqkmc@gmail.com anna maililekk send cheyyamo?pls
ReplyDeleteനെനകുട്ടീ ......ഈ പോസ്റ്റ് മുന്പ് വായിചാതനെങ്കിലും കമന്റ് ഇടാന് പറ്റിയില്ല......അല്ലാ ...എന്തെഴുതിയാലും മതിയാകില്ല എന്നറിയാം...എങ്കിലും.....കുറച്ചുനെരതെക്കെങ്കിലും എല്ലാവരെയും നെനെക്കുട്ട്യുടെ സ്വപ്നലോകത്തേക്ക് എത്തിച്ചതിനു ഒരായിരം അഭിനന്ദനങ്ങള്....
ReplyDeleteനെനാ ...ആ ഫോടോ കണ്ടപ്പം ദൈവാണേ ഞാന് youtube ഇല് ഒക്കെ സെര്ച്ച് ചെയ്തു നിന്റെ പാട്ട് കാണാന് ..ഇപോ അല്ലെ പിടി കിട്ട്യേ കൊച്ചു കള്ളീ...എന്തായാലും ഇഷ്ടായിട്ടോ ...
ReplyDeleteഇവിടെ ഇപ്പോഴും കമ്മന്റുകള് വന്നുകൊണ്ടിരിക്കുന്നു, എല്ലാ പ്രിയപ്പെട്ടവര്ക്കും എന്റെ സ്നേഹവും സന്തോഷവും അറിയിക്കട്ടെ.
ReplyDeleteയ്യോ സ്വപ്നമായിരുന്നോ?
ReplyDeleteകൊള്ളാം
ReplyDeleteഇതില് ഞാന് മുമ്പ് ഒരു അഭിപ്രായം പറഞ്ഞിരുന്നല്ലോ നേനെ ?? ആ ഗൂഗിള് അമ്മച്ചി പറ്റിച്ചതാവും. എന്തായാലും തകര്ത്തുട്ടോ ഈ സ്വപ്നത്തിലെ സ്റ്റാര് സിങ്ങര് :)
ReplyDeleteവളരെ സന്തോഷം മോഹിക്കാ ..ജോഷിചേട്ടാ ഫൈസല്ക്കാ.
ReplyDeleteസ്വപ്നങ്ങള് കാണുക, ഇനിയുമിനിയും... നന്മകള് നേരുന്നു..
ReplyDelete👌👌 സ്വപ്നങ്ങൾ ഇനിയും കാണുക.💞
ReplyDelete